ମୁମ୍ବାଇ: ବଲିଉଡର ବହୁ ଚର୍ଚ୍ଚିତ ଯୋଡି ଆଲିଆ-ରଣବୀର ବିବାହ ବନ୍ଧନରେ ବାନ୍ଧି ହୋଇ ସାରିଛନ୍ତି । ଏପ୍ରିଲ ୧୪ରେ ଆଲିଆ କପୁର ବଂଶର ବୋହୂ ସାଜିଛନ୍ତି । ଯଦିଓ ଏହା ହାତଗଣତି ଅତିଥିଙ୍କ ମେଳରେ ସମ୍ପନ୍ନ ହୋଇଛି ତଥାପି ଏହି ବିବାହ ଖୁବ ଧୁମଧାମରେ ହୋଇଛି । ଏବେ ଆଲୋଚନା ହେଉଛିକି କପୁର ପରିବାରରେ ଖୁବଶୀଘ୍ର ଆଉ ଏକ ବିବାହ ହେବାକୁ ଯାଉଛି । ଏହା କାହାଣୀ ପରି ଲାଗୁଛି ନିଶ୍ଚୟ । କଥା ହେଲା କରିସ୍ମା କପୁର କୁଆଡେ ପୁଣି ବଧୂ ବେଶରେ ସଜେଇ ହେବେ । ତେବେ ମୂଳ ଘଟଣା ଶୁଣିଲେ ସାମାନ୍ୟ ଭୃକୁଞ୍ଚନ ହେବ ନିଶ୍ଚୟ । ଆଲିଆ-ରଣବୀର ପଞ୍ଜାବି ରିତିନୀତି ଅନୁଯାୟୀ ବିବାହ କଲେ । ଏହି ପଞ୍ଜାବି ନିୟମରେ କଲିରୋର ଏକ ରସମ ରହିଛି । ଯେଉଁଥିରେ ବୋହୂ ଜୁଡା ସହ କଲିରେ ପିନ୍ଧିଥାଆନ୍ତି । ଏହାପରେ ସେ ଲୋକଙ୍କ ଉପରେ ତାଙ୍କ କଲାୟିଆ ହଲାଇ ଥାଆନ୍ତି । ଏହି ସମୟରେ କଲିରେ ଯାହା ଉପରେ ପଡିଥାଏ ତାଙ୍କର ଖୁବଶୀଘ୍ର ବିବାହ ହୋଇଥାଏ ବୋଲି କୁହାଯାଏ । ତେବେ ଏଥର ଆଲିଆଙ୍କ କିଲୋରି କରିସ୍ମାଙ୍କ ଉପରେ ପଡିଥିଲା । ଏହାକୁ ଦେଖି ସମସ୍ତେ ଚିତ୍କାର କରିଥିଲେ କି ଏଥର କରିସ୍ମାଙ୍କ ଡୋଲି ଉଠିବ ଅର୍ଥାତ୍ ଖୁବଶୀଘ୍ର କରିସ୍ମାଙ୍କର ବିବାହ ହେବ । ସୂଚନାଯୋଗ୍ୟ, କରିସ୍ମା କପୁର ୨୦୦୩ରେ ସଞ୍ଜୟ କପୁରଙ୍କୁ ବିବାହ କରିଥିଲେ । ପରେ ସଞ୍ଜୟ ଓ ତାଙ୍କ ମା’ କରିସ୍ମାଙ୍କୁ ମାରପିଟ କରୁଥିବା ଅଭିଯୋଗ ହୋଇଥିଲା । ଯାହା ଫଳରେ କରିସ୍ମା ସଞ୍ଜୟଙ୍କଠାରୁ ପିଲାମାନଙ୍କୁ ଧରି ଚାଲିଆସିଥିଲେ । ଏବେ ତାଙ୍କର ଦୁଇ ପିଲା ସମାୟାରା କପୁର ଓ କିୟାନ ରାଜ କପୁର କରିସ୍ମାଙ୍କ ପାଖେ ରହୁଛନ୍ତି ।
