ବେଙ୍ଗାଲୁରୁ,୧୭।୪: ମେ’ ୧୦ ତାରିଖରେ କର୍ନାଟକ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏହାକୁ ନେଇ ବର୍ତ୍ତମାନ ରାଜନୀତି ସରଗରମ ରହିଛି। ଏହାରି ମଧ୍ୟରେ ଭାଜପା ସୋମବାର ପ୍ରାର୍ଥୀଙ୍କ ତୃତୀୟ ତାଲିକା ପ୍ରକାଶ କରିଛି। ତେବେ ତୃତୀୟ ତାଲିକାରେ ମୋଟ୍ ୧୦ ଜଣ ପ୍ରାର୍ଥୀଙ୍କ ନାମ ରହିଛି। ଭାଜପା ବିଧାୟକ ଅରବିନ୍ଦ ଲିମ୍ବାବଲିଙ୍କ ସ୍ତ୍ରୀ ମଞ୍ଜୁଲା ଅରବିନ୍ଦ ଲିମ୍ବାବଲି ମହାଦେବପୁରାରୁ ପ୍ରତିଦ୍ୱନ୍ଦ୍ୱିତା କରିବେ। ସେହିପରି ପୂର୍ବତନ ମୁଖ୍ୟମନ୍ତ୍ରୀ ଜଗଦୀଶ ଶେଟ୍ଟାରଙ୍କ ହୁବଲି ଧରୱାଡ କେନ୍ଦ୍ରୀୟ ଆସନରୁ ମହେଶ ତେଙ୍ଗିନାକାଇଙ୍କୁ ମନୋନୀତ କରାଯାଇଛି। ଅନ୍ୟପଟେ, ଜଗଦୀଶ ଶେଟ୍ଟାର ସୋମବାର କଂଗ୍ରେସରେ ଯୋଗ ଦେଇଛନ୍ତି।
କର୍ନାଟକର ମୋଟ୍ ୨୨୪ ଟି ସିଟ୍ ମଧ୍ୟରୁ ଭାଜପା ୨୨୨ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି। ଭାଜପା ପ୍ରଥମ ତାଲିକାରେ ୧୮୯ ପ୍ରାର୍ଥୀଙ୍କ ନାଁ ଘୋଷଣା କରିଥିବା ବେଳେ ଦ୍ୱିତୀୟ ତାଲିକାରେ ୨୩ ଜଣ ପ୍ରାର୍ଥୀଙ୍କ ନାଁ ପ୍ରକାଶ କରିଥିଲା।
