ବେଙ୍ଗାଲୁରୁ,୧୨।୫: କର୍ନାଟକ ବିଧାନସଭା ନିର୍ବାଚନ ଫଳାଫଳ ୧୩ ମେ’ ଅର୍ଥାତ୍ ଶନିବାର ଆସିବାକୁ ଯାଉଛି। ତେବେ ଏକଜିଟ ପୋଲ ପରେ ସମସ୍ତ ଦଳର ନେତାମାନେ ନିଜ ନିଜ ବିଜୟ ଦାବି କରୁଛନ୍ତି। ଏହି ସମୟରେ କଂଗ୍ରେସ ଅଧ୍ୟକ୍ଷ ଡି.କେ ଶିବକୁମାର କହିଛନ୍ତି, ମୁଁ ନିଶ୍ଚିତ ଯେ କଂଗ୍ରେସ ଦଳ ବହୁମତରେ ବିଜୟୀ ହେବ। ୨୨୪ ସଦସ୍ୟ ବିଶିଷ୍ଟ ବିଧାନସଭାରେ କଂଗ୍ରେସ ପ୍ରାୟ ୧୫୦ଟି ଆସନ ଜିତିବାର ପୂର୍ବାନୁମାନ କରୁଛି। କଂଗ୍ରେସ ଜିତିଲେ ଡି.କେ ଶିବକୁମାରଙ୍କୁ ସମ୍ଭାବ୍ୟ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଦେଖାଯାଉଛି। ଏହି ସମୟରେ କଂଗ୍ରେସ ଏବଂ ଜେଡିଏସ ମଧ୍ୟରେ ମେଣ୍ଟ ସମ୍ପର୍କରେ କୌଣସି ଆଲୋଚନା ହୋଇଥିବାକୁ ନେଇ ସେ ଅସ୍ବୀକାର କରିଛନ୍ତି। ଡି.କେ ଶିବକୁମାର କହିଛନ୍ତି, କଂଗ୍ରେସ ନିଜ ଦମ ଉପରେ ସରକାର ଗଠନ କରିବ। ମୁଁ ଜେଡିଏସ ଏବଂ ଭାଜପା ମଧ୍ୟରେ କୌଣସି ଆଲୋଚନା ହେଉ କି ନାହିଁ। ଏହା ମୋ ପାଇଁ କିଛି ଗୁରୁତ୍ୱପୂର୍ଣ୍ଣ ନୁହେଁ। କଂଗ୍ରେସ ହିଁ ବହୁମତରେ ଜିତିବ ବୋଲି ସେ କହିଛନ୍ତି।