ଚିତ୍ରଦୁର୍ଗ,୨।୫: କର୍ନାଟକ ବିଧାନସଭା ନିର୍ବାଚନକୁ ଆଉ ମାତ୍ର ଗୋଟିଏ ସପ୍ତାହ ବାକି ରହିଛି। ଏହାରି ଭିତରେ ଭାରତୀୟ ଜନତା ପାର୍ଟି(ଭାଜପା)ର ଷ୍ଟାର ପ୍ରଚାରକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଧୂଆଁଧାର ରାଲି ଆରମ୍ଭ କରି ଦେଇଛନ୍ତି। ମିଶନ କର୍ନାଟକରେ ଶାସକ ଭାଜପା ପୁଣିଥରେ ଶାସନ କ୍ଷମତା ହାତେଇବାକୁ ସମସ୍ତ ଶକ୍ତି ଲଗାଇଦେଇଛି। ଏହି କ୍ରମରେ ପ୍ରଧାନମନ୍ତ୍ରୀ ମୋଦି ମଙ୍ଗଳବାର ରାଜ୍ୟର ଚିତ୍ରଦୁର୍ଗାରେ ଏକ ରାଲିକୁ ସମ୍ବୋଧିତ କରିଛନ୍ତି। ଏହି ସମୟରେ ସେ କଂଗ୍ରେସ ଓ ଜେଡିଏସ ଉପରେ ଖୁବ ବର୍ଷିଛନ୍ତି। ମୋଦି କହିଛନ୍ତି, କଂଗ୍ରେସ ଓ ଜେଡିଏସ ଦେଖିବା ପାଇଁ ଦୁଇଟି ଦଳ, ହେଲେ ହୃଦୟରୁ ଓ କାମରେ ଏମାନେ ଗୋଟିଏ। ଏହାସହ ମୋଦି ଭାଜପାକୁ ଭୋଟ ଦେବାକୁ ଜନତାଙ୍କୁ ଅପିଲ କରିଛନ୍ତି।