ବେଙ୍ଗାଲୁରୁ,୨୬।୫: କର୍ନାଟକ ସରକାରଙ୍କର ମନ୍ତ୍ରିମଣ୍ଡଳ ସମ୍ପ୍ରସାରଣ ଶନିବାର ହେବ। ଏଚକେ ପାଟିଲ, ରହିମ ଖାଁ, ବି ସୁରେଶଙ୍କ ସମେତ ୨୦ ଜଣ ନେତା ସରକାରରେ ସାମିଲ ହେଇପାରନ୍ତି। ଶନିବାର ଏହି ମନ୍ତ୍ରୀମାନେ ଶପଥ ଗ୍ରହଣ କରିବେ।
ରାଜ୍ୟ ମନ୍ତ୍ରିମଣ୍ଡଳ ସମ୍ପ୍ରସାରଣ ପୂର୍ବରୁ ଉପ ମୁଖ୍ୟମନ୍ତ୍ରୀ ଡିକେ ଶିବକୁମାର ଦିଲ୍ଲୀ ଯାଇଛନ୍ତି। ଶୁକ୍ରବାର ସେ କଂଗ୍ରେସର ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ରାହୁଲ ଗାନ୍ଧୀ ଓ ସୋନିଆ ଗାନ୍ଧୀଙ୍କୁ ଭେଟିଛନ୍ତି। ଗଣମାଧ୍ୟମ ଯେତେବେଳେ ତାଙ୍କୁ ପ୍ରଶ୍ନ କରିଥିଲା କି ସାକ୍ଷାତକାର କେମିତି ରହିଲା ଶିବକୁମାର କହିଥିଲେ ‘ଫାଇନ’ ଅର୍ଥାତ ଖୁବ ଭଲ।