ବେଙ୍ଗାଲୁରୁ,୧୯।୭: କର୍ନାଟକର ବେଙ୍ଗାଲୁରୁରେ ସେଣ୍ଟ୍ରାଲ କ୍ରାଇମ ବ୍ରାଞ୍ଚ (ସିସିବି) ୫ ଜଣ ସନ୍ଦିଗ୍ଧ ଆତଙ୍କବାଦୀଙ୍କୁ ଗିରଫ କରିଛି। ସେମାନେ ହେଲେ ସୟଦ ସୁହେଲ, ଉମର, ଜାନିଦ, ମୁଦାସିର ଏବଂ ଜାହିଦ ବୋଲି ଚିହ୍ନଟ କରାଯାଇଛି। ବେଙ୍ଗାଲୁରୁରେ ବିସ୍ଫୋରଣ କରିବାକୁ ଦଳ ଯୋଜନା କରିଥିବା ଜଣାପଡିଛି। ବୁଧବାର ସେଣ୍ଟ୍ରାଲ କ୍ରାଇମ ବ୍ରାଞ୍ଚ (ସିସିବି) ଦ୍ୱାରା ଏହି ସୂଚନା ଦିଆଯାଇଛି।
ସିସିବି କହିଛି, ୨୦୧୭ରେ ହତ୍ୟା ମାମଲାରେ ସମସ୍ତ ୫ ଜଣ ଅଭିଯୁକ୍ତ ପାରପାନା ଉଗ୍ରାହାରା କେନ୍ଦ୍ରୀୟ ଜେଲରେ ଥିଲେ, ଯେଉଁଠାରେ ସେମାନେ ଆତଙ୍କବାଦୀଙ୍କ ସହ ଯୋଗାଯୋଗ କରିଥିଲେ। ସିସିବି ବିସ୍ଫୋରକ ସାମଗ୍ରୀ ମଧ୍ୟ ଜବତ କରିଛି।