ବେଙ୍ଗାଲୁରୁ,୧୦।୫: କର୍ନାଟକ ବିଧାନସଭା ନିର୍ବାଚନ ପାଇଁ ସକାଳ ୭ଟାରୁ ମତଦାନ ଆରମ୍ଭ ହୋଇଛି। କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଭାଜପା ନେତା ବିଏସ ୟେଦୁରପ୍ପା ଶିକାରୀପୁରାର ଶିବାମୋଗାରେ ଭୋଟ ଦେଇଛନ୍ତି। ତାଙ୍କ ପୁଅ ବିଜୟେନ୍ଦ୍ର ଏବଂ ପରିବାରର ଅନ୍ୟ ସଦସ୍ୟମାନେ ମଧ୍ୟ ତାଙ୍କ ସହିତ ଉପସ୍ଥିତ ଥିଲେ। ଭୋଟ ଦେଇସାରିବା ପରେ ୟେଦୁରପ୍ପା ନିଜର ପ୍ରତିକ୍ରିୟା ରଖି କହିଛନ୍ତି, ଏଠାରେ ୪୦ ହଜାରରୁ ଅଧିକ ଭୋଟ ହେବାକୁ ଯାଉଛି, ଆମେ ସଂପୂର୍ଣ୍ଣ ସଂଖ୍ୟାଗରିଷ୍ଠତା ହାସଲ କରିବୁ ଏବଂ ସରକାର ଗଠନ କରିବୁ, ଏଥିରେ କୌଣସି ସନ୍ଦେହ ନାହିଁ। ଲୋକଙ୍କ ପ୍ରତିକ୍ରିୟା ମଧ୍ୟ ବହୁତ ଭଲ ରହିଛି। ସେହିପରି ବେଙ୍ଗାଲୁରୁର ବିଜୟ ନଗରର ଏକ ମତଦାନ କେନ୍ଦ୍ରରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଭୋଟ ଦେଇଛନ୍ତି।
