ନୂଆଦିଲ୍ଲୀ,୧।୫: କର୍ନାଟକ ବିଧାନସଭା ନିର୍ବାଚନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦକ୍ଷିଣ କନ୍ନଡ ଏବଂ ଉଦୁପି ଜିଲାରେ ପ୍ରଚାର କରିବେ। ମାଙ୍ଗାଲୁରୁ ଡିଭିଜନର ଦାୟିତ୍ୱରେ ଥିବା ଭାରତୀୟ ଜନତା ପାର୍ଟି ଉଦୟ କୁମାର ଶେଟ୍ଟୀ ସୋମବାର ଉଦୁପିରେ ଏହି ସୂଚନା ଦେଇଛନ୍ତି। ସେ କହିଛନ୍ତି, ପ୍ରଧାନମନ୍ତ୍ରୀ ମୋଦି ଦକ୍ଷିଣ କନ୍ନଡ ଜିଲାର ମୁଲ୍କିଠାରେ ଏକ ସାଧାରଣ ସଭାରେ ସମ୍ବୋଧିତ କରିବେ। ଏହି ସାଧାରଣ ସଭାରେ ତିନି ଲକ୍ଷରୁ ଅଧିକ ଲୋକ ଅଂଶଗ୍ରହଣ କରିବେ ବୋଲି ଶେଟ୍ଟୀ କହିଛନ୍ତି। ତେବେ ଏହା କେବେ ହେବ ତାରିଖ ବିଷୟରେ ସୂଚନା ଦେଇନାହାନ୍ତି।
ମେ’୬ ରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିର୍ବାଚନ ପ୍ରଚାର ପାଇଁ ଆସିବେ। ସେ ମଧ୍ୟାହ୍ନ ୧୨ଟାରେ ପୁତ୍ରୁରେ, ବନ୍ତୱାଲରେ ୧.୩୦ ରେ ଏବଂ କରକଲାରେ ଅପରାହ୍ନ ୩ ଟାରେ ନିର୍ବାଚନ ପ୍ରଚାର କାର୍ଯ୍ୟକ୍ରମରେ ଅଂଶଗ୍ରହଣ କରିବେ।
