ମୁମ୍ବାଇ,୬।୧୨ : ମହାରାଷ୍ଟ୍ର ଏବଂ କର୍ନାଟକ ମଧ୍ୟରେ ଚାଲିଥିବା ସୀମା ବିବାଦ ଏବେ ଉଗ୍ରରୂପ ନେବାକୁ ଲାଗିଛି। ମଙ୍ଗଳବାର କର୍ନାଟକର ବେଲଗାଭିର ବାଗେୱାଡି ଠାରେ ବିକ୍ଷୋଭ ପ୍ରଦର୍ଶନ କରିବା ସମୟରେ କର୍ନାଟକ ରକ୍ଷଣ ବୈଦିକ କାର୍ଯ୍ୟକର୍ତ୍ତା ମହାରାଷ୍ଟ୍ରର ଟ୍ରକ ଉପରେ ପଥର ଫିଙ୍ଗିଥିଲେ। ବର୍ତ୍ତମାନ ଏନସିପି ମୁଖ୍ୟ ଶରଦ ପାୱାର କର୍ନାଟକର ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ କର୍ନାଟକ ମହାରାଷ୍ଟ୍ରର ଧୈର୍ଯ୍ୟର ପରୀକ୍ଷା ନକରୁ।
ଶରଦ ପାୱାର କହିଛନ୍ତି, ସୀମା ବିବାଦ ସମ୍ପର୍କରେ ବୋମ୍ମାଇଙ୍କ ସହ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ମଧ୍ୟ କଥା ହୋଇଥିଲେ। ଏହା ସତ୍ତ୍ୱେ ସେ ଏହି ପ୍ରସଙ୍ଗରେ କୌଣସି ବିନମ୍ରତା ଦେଖାଇ ନାହାଁନ୍ତି। ଏହାର ଶୀଘ୍ର ସମାଧାନ ହେବା ଉଚିତ ବୋଲି ପାଓ୍ବାର କହିଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ ଶିନ୍ଦେ କୌଣସି ନିଷ୍ପତ୍ତି ନେବା ପୂର୍ବରୁ ସମସ୍ତ ରାଜନୈତିକ ଦଳ ସହିତ ଆଲୋଚନା କରିବା ଜରୁରୀ। ସଂସଦ ଅଧିବେଶନ ଆରମ୍ଭ ହେବାକୁ ଯାଉଛି, ମୁଁ ସମସ୍ତ ଏମ୍ପିଙ୍କୁ ଏକତ୍ରିତ ହୋଇ ଏହି ପ୍ରସଙ୍ଗକୁ ମଉଠାଇବାକୁ ଅନୁରୋଧ କରୁଛି। ପାୱାର କହିଛନ୍ତି ଯେ କର୍ନାଟକରେ ମହାରାଷ୍ଟ୍ରର ଗାଡିଗୁଡିକ ନଷ୍ଟ ହେଉଛି।
