ବେଙ୍ଗାଲୁରୁ,୧୯।୪: ମେ’ ୧୦ ତାରିଖରେ କର୍ନାଟକ ବିଧାନସଭା ନିର୍ବାଚନ। ଏଥିପାଇଁ ରାଜ୍ୟରେ ରାଜନୀତି ସରଗରମ ରହିଛି। ଏହାରି ମଧ୍ୟରେ ବୁଧବାର କଂଗ୍ରେସ ପଞ୍ଚମ ପ୍ରାର୍ଥୀ ତାଲିକା ପ୍ରକାଶ କରିଛି। ଏହି ତାଲିକାରେ ୪ ଜଣ ପ୍ରାର୍ଥୀଙ୍କ ନାଁ ରହିଛି। ଯେଉଁଥିରେ ୟାସିର ଅହମ୍ମଦ ଖାନ ପଠାନଙ୍କ ନାମ ମଧ୍ୟ ରହିଛି। ଯିଏ ମୁଖ୍ୟମନ୍ତ୍ରୀ ବାସବରାଜ ବୋମ୍ମାଇଙ୍କ ବିପକ୍ଷରେ ଶିଗଗାଁଓ ବିଧାନସଭା ନିର୍ବାଚନମଣ୍ଡଳୀରୁ ଲଢିବେ।
ଏହାପୂର୍ବରୁ କଂଗ୍ରେସ ମହମ୍ମଦ ୟୁସଫ ସବାନୁରଙ୍କୁ ମୁଖ୍ୟମନ୍ତ୍ରୀଙ୍କ ବିରୋଧରେ ଟିକେଟ୍ ଦେଇଥିଲା। ବର୍ତ୍ତମାନ ସବାନୁରଙ୍କ ସ୍ଥାନରେ ପଠାନଙ୍କୁ ମୈଦାନଙ୍କୁ ଓହ୍ଲାଇଛି। ପଠାନଙ୍କ ବ୍ୟତୀତ ଏହି ତାଲିକାରେ ଆଉ ତିନୋଟି ନାମ ରହିଛି। ମୁଲବାଗଲରୁ ବିସି ମୃଦୁଗଙ୍ଗାଧର, କେଆର ପୁରରୁ ଡି.କେ ମୋହନ ଏବଂ ପୁଲକେଶିନଗର ଏସି ଶ୍ରୀନିବାସଙ୍କୁ ପ୍ରାର୍ଥୀ କରାଯାଇଛି।