![](https://www.dharitri.com/wp-content/uploads/2021/06/kendujhar-fruit-bepari.jpg)
କେନ୍ଦୁଝର, ୨୯ା୬ (ସ୍ବ.ପ୍ର.): କରୋନା ମହାମାରୀ ବହୁ ଲୋକଙ୍କ ବେଉସା ବଦଳାଇ ଦେଇଛି। ଏଭଳି ଜଣେ ଜଳଖିଆ ବିକି ପେଟ ପୋଷୁଥିବା ଗାନ୍ଧୀ ଛକ ନିକଟରେ ଏବେ ଫଳ ବିକି ପେଟ ପୋଷୁଛନ୍ତି। ସେ ହେଲେ ଏମଡି ଜଉଦ୍ଦିନ। ତାଙ୍କ ଘର ବିହାର ରାଜ୍ୟର ଗୟା ଜିଲାରେ। କିନ୍ତୁ ଦୀର୍ଘ ବହୁ ବର୍ଷ ହେଲା ତାଙ୍କ ବାପା ଏମଡି ନସିରୁଦ୍ଦିନ ରୋଜଗାର ପାଇଁ କେନ୍ଦୁଝର ଜିଲାକୁ ଆସି ସ୍ଥାନୀୟ ମାଗୁରଗାଡିଆରେ ରହି ଛୋଟ ବେପାର କରି ପରିବାର ଚଳାଇଆସୁଥିଲେ। ଏହା ପରେ ପୁଅ ସହିତ ମିଶି ୫ ବର୍ଷ ହେଲା ଏହି ଜଳଖିଆ ଦୋକାନ ଖୋଲି ପରିବାର ଚଳାଇ ଆସୁଥିଲେ। ଗତ ବର୍ଷ କରନା ମହାମାରୀ ଯୋଗୁ ସରକାର ଲକଡାଉନ ଓ ଶଟ୍ଡାଉନ ଘୋଷଣା କରିବା ପରେ ତାଙ୍କର ଦୋକାନ ବନ୍ଦ ହୋଇଯିବାରୁ ବହୁ ଅସୁବିଧାରେ ରହୁଥିଲେ। ଅର୍ଥାଭାବ ଓ କାମ ଅଭାବରୁ ତାଙ୍କ ବାପା ନିଜ ରାଜ୍ୟକୁ ଫେରିଯାଇଥିବାବେଳେ ଜଉଦ୍ଦିନ ପେଟ ପାଇଁ ଜଳଖିଆ ସ୍ଥାନରେ ଫଳ ଦୋକାନ ଖୋଲି ବ୍ୟବସାୟ ଆରମ୍ଭ କରିଥିବା କହିଛନ୍ତି ା ପାଖ ଫଳ ଡିଲର ଠାରୁ ସକାଳେ ଧାରରେ ଫଳ ଆଣି ଥାନ୍ତି ଏବଂ ଦିନରେ ବିକିବା ପରେ ରାତିରେ ଟଙ୍କା ଶୁଝିଥାନ୍ତି ବୋଲି କହିଛନ୍ତି।