ବୁଗୁଡ଼ା,୩ା୪: ବୁଗୁଡ଼ା ବ୍ଲକ ବାଲିପଦର ଆଞ୍ଚଳିକ ମହାବିଦ୍ୟାଳୟର ଜଣେ ଅଧ୍ୟାପକ କରୋନା ପଜିଟିଭ୍ ଚିହ୍ନଟ ହେବା ପରେ ମହାବିଦ୍ୟାଳୟକୁ ଶନିବାରଠାରୁ ୩ ଦିନ ପାଇଁ ବନ୍ଦ ଘୋଷଣା କରାଯାଇଛି। ରବିବାରଠାରୁ କଲେଜର ସମସ୍ତ କକ୍ଷ ସାନିଟାଇଜ୍ କରିବା ପାଇଁ କ୍ୟାମ୍ପସ୍ ୩ ଦିନ ବନ୍ଦ ରଖିବାକୁ ବୁଗୁଡା ବିଡିଓ ତନ୍ମୟ ପାତ୍ର ପରାମର୍ଶ ଦେଇଛନ୍ତି। ସ୍ବାସ୍ଥ୍ୟଗତ ସମସ୍ୟା ଯୋଗୁ ଅଧ୍ୟାପକ ଜଣକ ଗତ ୨୬ ତାରିଖରୁ ଛୁଟିରେ ଥିଲେ। କୋଭିଡ୍ ଟେଷ୍ଟ ପରେ ଏପ୍ରିଲ ୧ ରେ ରିପୋର୍ଟ ପଜିଟିଭ ଆସିଥିଲା। ଏନେଇ କଲେଜ କର୍ତ୍ତୃପକ୍ଷ ଉପଜିଲାପାଳ, ତହସିଲଦାର ଓ ବିଡିଓଙ୍କୁ ଅବଗତ କରାଇଥିଲେ। ଅଧ୍ୟକ୍ଷଙ୍କ ସମେତ କଲେଜର ସମସ୍ତ କର୍ମଚାରୀଙ୍କୁ ଆଣ୍ଟିଜେନ୍ ଟେଷ୍ଟ କରିବାକୁ ଭଞ୍ଜନଗର ଉପଜିଲାପାଳ ରାଜେନ୍ଦ୍ର କୁମାର ମିଞ୍ଜ ନିର୍ଦ୍ଦେଶ ଦେଇଛନ୍ତି।