ମୁମ୍ବାଇ: ଅଭିନେତା କାର୍ତ୍ତିକ ଆର୍ଯ୍ୟନଙ୍କ ‘ଭୁଲ୍ ଭୁଲେୟା-୨’ ଆଜି ହଲ୍କୁ ଆସିଛି। ଏହା ସହିତ ‘ଶେହଜାଦ୍’ ସମେତ ଅନେକ ଫିଲ୍ମ ଚଳିତ ବର୍ଷ ଲାଇନରେ ଅଛି। କାର୍ତ୍ତିକ ବଲିଉଡ୍ର ଜଣେ ଦମ୍ଦାର ଅଭିନେତା। ଖାଲି ଯେ, କାର୍ତ୍ତିକ ଅଭିନୟକୁ ନେଇ ଚର୍ଚ୍ଚାରେ ରହିଥାନ୍ତି ତା’ନୁହେଁ, ଇଣ୍ଡଷ୍ଟ୍ରିର ଅନେକ ଅଭିନେତ୍ରୀଙ୍କ ସହ ସମ୍ପର୍କକୁ ନେଇ ମଧ୍ୟ ଖୁବ୍ ଚର୍ଚ୍ଚା ହୁଏ। ଏହି ଚର୍ଚ୍ଚିତ ଅଭିନେତ୍ରୀଙ୍କ ମଧ୍ୟର ସାରା ଅଲି ଖାନଙ୍କ ନାଁ ବି ରହିଛି। କିଛି ବର୍ଷ ହେଲା କାର୍ତ୍ତିକ ଏବଂ ସାରାଙ୍କ ସମ୍ପର୍କ ବିଷୟରେ ଚର୍ଚ୍ଚା ହେଉଛି। ଅବଶ୍ୟ ଏହି ଖବରକୁ ନେଇ ଦୁହେଁ କେବେ ମୁହଁ ଖୋଲି ନ ଥିଲେ। ଏବେ କିନ୍ତୁ ସାରାଙ୍କ ସହ ସମ୍ପର୍କକୁ ନେଇ କାର୍ତ୍ତିକ ନୀରବତା ଭାଙ୍ଗିଛନ୍ତି।
ସାରା ଏବଂ କାର୍ତ୍ତିକ ୨୦୨୦ରେ ‘ଲଭ୍ ଆଜ୍ କଲ୍-୨’ରେ ଏକାଠି କାମ କରିଥିଲେ। ଏହି ଫିଲ୍ମ ଶୁଟିଂ ସମୟରେ ଉଭୟଙ୍କ ଲିଙ୍କଅପ ବିଷୟରେ ଚର୍ଚ୍ଚା ହୋଇଥିଲା। କିନ୍ତୁ ସାରା କିମ୍ବା କାର୍ତ୍ତିକ ବନ୍ଧୁତା ବ୍ୟତୀତ ଏହାକୁ କିଛି ଅଧିକ କହି ନ ଥିଲେ। ଫିଲ୍ମଟି ମୁକ୍ତିଲାଭ କରିଥିଲା। ଏବେ ଦୁହେଁ ଆଉ ଏକାଠି ଫିଲ୍ମ କରୁନାହାନ୍ତି। ଏହା ମଧ୍ୟ ଶୁଣିବାକୁ ମିଳିଥିଲା ବ୍ରେକ୍ଅପ୍ ପରେ ସାରା ଶ୍ରୀଲଙ୍କା ଚାଲିଯାଇଥିଲେ। ଏପରିକି ଦୁହେଁ ଦୁହିଁଙ୍କୁ ଇନ୍ଷ୍ଟାଗ୍ରାମରେ ଅନ୍ଫଲୋ କରିଦେଇଥିଲେ।
ଏକ ସାକ୍ଷାତକାରରେ କାର୍ତ୍ତିକ କହିଛନ୍ତି, ଏହା ଆଦୌ ନୁହେଁ। ଏହା କୌଣସି ଫିଲ୍ମ ପ୍ରମୋଶନ ପାଇଁ ନୁହେଁ। ମୁଁ କିପରି ବୁଝାଇବି? କହିବାକୁ ଚାହୁଁଛି ଆମେ ମଧ୍ୟ ମଣିଷ ଅଟୁ। ସବୁକିଛି ପ୍ରମୋଶନ ପାଇଁ ନୁହେଁ। ଅନ୍ୟପକ୍ଷରେ କିଛି ସମୟ ପୂର୍ବରୁ କାର୍ତ୍ତିକ ଏବଂ ସାରା ଏକ ଇଭେଣ୍ଟରେ ଏକାଠି ହୋଇଥିଲେ। ଦୁହିଁଙ୍କୁ ଏକାଠି କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। ଉଭୟଙ୍କ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି।