ମୁମ୍ବାଇ: କାର୍ତ୍ତିକ ଆର୍ୟନଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଶେହଜାଦା’ ଶୁକ୍ରବାର ବଡ଼ ପରଦାରେ ରିଲିଜ୍ ହୋଇଛି। ତେବେ ‘ଶେହଜାଦା’ରେ କାର୍ତ୍ତିକ ଜବରଦସ୍ତ ଏଣ୍ଟ୍ରି କରିଛନ୍ତି। ଏଥିସହ ଦର୍ଶକମାନେ ଫିଲ୍ମକୁ ନେଇ ଭଲ ରିଭ୍ୟୁ ମଧ୍ୟ ଦେଉଛନ୍ତି। ବକ୍ସ ଅଫିସରେ କାର୍ତ୍ତିକଙ୍କ ଏହି ଫିଲ୍ମ ପ୍ରଥମ ଦିନରେ ଭଲ ଆୟ କରିବ ବୋଲି ଆଶା କରାଯାଉଛି।
ଅନ୍ୟପଟେ, ଫିଲ୍ମ ଏହାର ଡିଜିଟାଲ ଷ୍ଟ୍ରିମିଂ ଏବଂ ମ୍ୟୁଜିକ ରାଇଟ୍ସ ବିକ୍ରୟ କରି ବଜେଟର ୭୦% ରୁ ଅଧିକ ରୋଜଗାର କରିସାରିଛି। ନିର୍ଦ୍ଦେଶକ ରୋହିତ ଧାୱନଙ୍କ ଏହି ଫିଲ୍ମରେ କାର୍ତ୍ତିକ ଆର୍ଯ୍ୟନଙ୍କ ବ୍ୟତୀତ କ୍ରିତି ସାନନ ଏବଂ ପରେଶ ରାୱଲ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି। ଫିଲ୍ମଟି ଆଲୁ ଅର୍ଜୁନଙ୍କ ‘ଅଲା ବୈକୁଣ୍ଠପୁରମଲୁ’ର ଅଫିସିଆଲ ହିନ୍ଦୀ ରିମେକ୍। କାର୍ତ୍ତିକଙ୍କ ପୂର୍ବ ଫିଲ୍ମ ‘ଭୁଲ ଭୁଲେୟା ୨’ ବକ୍ସ ଅଫିସରେ ଏକ ବ୍ଲକ ବୁଷ୍ଟର ବୋଲି ପ୍ରମାଣିତ ହୋଇଥିଲା। ତେବେ ନିର୍ମାତାମାନେ ‘ଶେହଜାଦା’କୁ ନେଇ ସମାନ ଆଶା ରଖିଛନ୍ତି।
