ନୂଆଦିଲ୍ଲୀ,୧୯।୫: ଇଣ୍ଡିଆନ୍ ପ୍ରିମିୟର ଲିଗ୍ର ୧୬ତମ ସିଜନ୍ ଏବେ ଅନ୍ତିମ ସୋପାନରେ ପହଞ୍ଚିଛି। କେଉଁ କେଉଁ ଟିମ୍ ପ୍ଲେ ଅଫ୍ ଖେଳିବ ତାହା ସ୍ପଷ୍ଟ ହୋଇଛି। ଏହି ଟୁର୍ନାମେଣ୍ଟରେ ଭିନ୍ନ ଭିନ୍ନ ରାଜ୍ୟ ଏବଂ ସହର ନାମରେ ଟିମ୍ ରହିଛି। ହେଲେ ଅନେକ ଥର ଟିମ୍ରେ ଉକ୍ତ ସହର ନଚେତ ରାଜ୍ୟର ଖେଳାଳି ଉପସ୍ଥିତ ରହି ନ ଥାନ୍ତି। ଏହାକୁ ନେଇ କଂଗ୍ରେସ ନେତା କାର୍ତ୍ତୀ ଚିଦାମ୍ବରମ ବିସିସିଆଇ ନିକଟରେ ଭିନ୍ନ ଦାବି ଉଠାଇଛନ୍ତି।
ସର୍ବଦା ନିଜ ବୟାନକୁ ନେଇ ଚର୍ଚ୍ଚାରେ ରହୁଥିବା କାର୍ତ୍ତୀ କହିଛନ୍ତି, ସହର ନାମରେ ଟିମ୍ ହେବା ଯୋଗୁ ଏକ ସମ୍ପର୍କ ଯୋଡ଼ି ହେବା ପରି ଲାଗୁଛି। ହେଲେ କେବଳ ନାମ ହେଲେ ଚଳିବ ନାହିଁ। ସେଠାକାର କ୍ରିକେଟରଙ୍କୁ ମଧ୍ୟ ଟିମ୍ରେ ନିଶ୍ଚିତ ରଖିବା ଆବଶ୍ୟକ। ଏଥିଲାଗି ବିସିସିଆଇକୁ ଏକ କୋଟା କରିବା ଉଚିତ।
ନିଜର ଏକ୍ସ ହ୍ୟାଣ୍ଡେଲରେ ସେ ଲେଖିଛନ୍ତି, ମୋତେ କ୍ରିକେଟ ପସନ୍ଦ। ମୁଁ ଆଇପିଏଲ୍ ଦେଖେ। ସହରଗୁଡ଼ିକ ନାମରେ ଟିମ୍ର ନାମ ରହିବା ଯୋଗୁ ଏକ ସମ୍ପର୍କ ଗଢ଼ି ଉଠିଛି, ହେଲେ ଦୁର୍ଭାଗ୍ୟ ଯେ ନାମ ବ୍ୟତିତ ସହରରୁ କୌଣସି ଖେଳାଳି ସେଥିରେ ନ ଥାନ୍ତି। ମୁଁ ଭାବୁଛି ପ୍ଲେଇଂ ୧୧ରେ ସ୍ଥାନୀୟ ଖେଳାଳିଙ୍କୁ ରଖିବା ଅନିବାର୍ଯ୍ୟ ହେବା ଉଚିତ।
While I like cricket, I don’t watch @IPL. It’s very clear that cities have built a bond with teams which carry their name, but unfortunately, there is no other connection to the city other than the name, I think there must be a mandatory “local” (city, state, zone) player…
— Karti P Chidambaram (@KartiPC) May 19, 2024
