ବମ୍ବେ: ଏକ ଭିଡିଓକୁ ନେଇ ବଲିଉଡ୍ ଅଭିନେତା କାର୍ତ୍ତିକ ଆର୍ୟନ ବିବାଦରେ ଛନ୍ଦି ହୋଇ ପଡ଼ିଥିଲେ। ପ୍ରସଙ୍ଗଟି ରାଜନୈତିକ ହୋଇଥିବାରୁ ସୋସିଆଲ ମିଡିଆରେ ତାଙ୍କୁ ଟ୍ରୋଲିଂର ଶିକାର ହେବାକୁ ପଡ଼ିଥିଲା। ହେଲେ ଏବେ ସେ ନିଜେ ସାମ୍ନାକୁ ଆସି ଏନେଇ ସଫେଇ ଦେଇଛନ୍ତି। ଉକ୍ତ ଭିଡିଓଟି ମିଥ୍ୟା ବୋଲି ସେ ସ୍ପଷ୍ଟ କରିଛନ୍ତି।
ଭାଇରାଲ ଭିଡିଓରେ କାର୍ତ୍ତିକ କଂଗ୍ରେସ ନେତା କମଲନାଥଙ୍କୁ ସମର୍ଥନ କରୁଥିବା ଦେଖାଯାଇଥିଲା। ସେ ନିଜକୁ ‘ମୁଁ ମଧ୍ୟ ଜଣେ କଂଗ୍ରେସ କର୍ମୀ ’ବୋଲି କହିଥିଲେ। ସୋସିଆଲ ମିଡିଆରେ ଭିଡିଓଟିକୁ ଅନେକେ ଶେୟାର କରିବା ପରେ ଅଭିନେତାଙ୍କୁ ଟ୍ରୋଲ କରାଯାଇଥିଲା।
ମଙ୍ଗଳବାର ରାତିରେ କାର୍ତ୍ତିକ ଟୁଇଟ୍ କରି ଭାଇରାଲ ଭିଡିଓଟି ଏଡିଟ୍ ହୋଇଥିବା କହିଥିଲେ। ଏଥିସହ କ୍ୟାପଶନରେ ‘ଏହା ଅସଲି ବିଜ୍ଞାପନ, ବାକି ସବୁ ମିଥ୍ୟା’ ବୋଲି କହିଥିଲେ। ଫଳରେ କେହି ତାଙ୍କ ସ୍ବର ସହ ଦୃଶ୍ୟକୁ ଏଡିଟ୍ କରିଥିବା ସ୍ପଷ୍ଟ ହୋଇଛି। ଏଥିସହ କାର୍ତ୍ତିକ କୌଣସି ଦଳ ସହ ଯୋଡ଼ି ହୋଇ ନ ଥିବା ଜଣାପଡ଼ିଛି।
ଅରିଜିନାଲ ଭିଡିଓରେ ଜିଜନୀ ପ୍ଲସ ହଟ୍ଷ୍ଟାରକୁ ପ୍ରମୋଟ କରାଯାଉଛି। ଭିଡିଓଟି ଅକ୍ଟୋବର ୨୩ରେ ଜାରି କରାଯାଇଥିଲା। ଏହାର ସପ୍ତାହେ ପରେ ଭିଡିଓର ଫେକ୍ ଭର୍ସନ ସୋସିଆଲ ମିଡିଆରେ ଭାଇରାଲ ହୋଇଥିଲା।