କାର୍ତ୍ତିକ ଆର୍ଯ୍ୟନ ବଲିଉଡ୍ ଅଭିନେତାଙ୍କ ମଧ୍ୟରୁ ଅନ୍ୟତମ। ଖୁବ୍ କମ୍ ସମୟ ମଧ୍ୟରେ କାର୍ତ୍ତିକ ବଲିଉଡ୍ର ସବୁଠାରୁ ଲୋକପ୍ରିୟ ଅଭିନେତା ହୋଇପାରିଛନ୍ତି। ତାଙ୍କର ଲୋକପ୍ରିୟତା କେବଳ ଫିଲ୍ମ ଇଣ୍ଡଷ୍ଟ୍ରି ପର୍ଯ୍ୟନ୍ତ ସୀମିତ ନୁହେଁ, ପ୍ରଶଂସକଙ୍କ ମଧ୍ୟରେ ବି ସେ ବେଶ୍ ଚର୍ଚ୍ଚିତ। କାର୍ତ୍ତିକ ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ ଅଟନ୍ତି । ଯେତେବେଳେ ସେ ସମୟ ପାଆନ୍ତି, ନିଜର ଫଟୋ ଏବଂ ଭିଡିଓ ଶେୟାର କରିଥାନ୍ତି । ତେବେ ତାଙ୍କର ଅଧିକାଂଶ ପୋଷ୍ଟ ମଜାଳିଆ। ଏହାରି ମଧ୍ୟରେ ସେ ନିଜର ଇନ୍ଷ୍ଟାଗ୍ରାମ୍ରେ ଏକ ସେଲ୍ଫି ଫଟୋ ସେୟାର କରିଛନ୍ତି, ଯେଉଁଥିରେ ଲାଲ ରଙ୍ଗର ଟି-ସାର୍ଟ ପିନ୍ଧିଥିବାର ନଜର ଆସୁଛନ୍ତି। ଏହି ଫଟୋକୁ ପୋଷ୍ଟକରି କ୍ୟାପଶନରେ ଲେଖିଛନ୍ତି, ମୋର ଲକ୍ଡାଉନ୍ ହୋଇଯାଇଛି, ତୁମ ସମସ୍ତଙ୍କର ନାଇଟ୍ କର୍ଫ୍ୟୁ ଚାଲିଛି। ଏଥିସହ ସେ ଏକ ହସୁଥିବା ଇମୋଜି ଶେୟାର କରିଛନ୍ତି। କାର୍ତ୍ତିକଙ୍କ ଏହି ଫଟୋରେ ପ୍ରଶଂସକମାନେ ନିଜର ପ୍ରତିକ୍ରିୟା ରଖିଛନ୍ତି।
