ମୁମ୍ବାଇ: ବଲିଉଡ୍ ଅଭିନେତା କାର୍ତ୍ତିକ ଆର୍ୟନ କିଛି ଦିନ ପୂର୍ବରୁ ବେଶ୍ ଚର୍ଚ୍ଚାରେ ରହିଥିଲେ। ନିକଟରେ କାର୍ତ୍ତିକଙ୍କୁ ଫିଲ୍ମ ଦୋସ୍ତାନା-୨ରୁ ବାହାର କରାଯିବା ଖବର ଲାଇମ୍ଲାଇଟ୍ରେ ରହିଥିଲା। ନିର୍ଦ୍ଦେଶକ କରନ ଜୋହରଙ୍କ ସହ ତାଙ୍କର ଝଗଡ଼ା ପରେ କାର୍ତ୍ତିକଙ୍କୁ ବହୁ କ୍ଷତି ସହିବାକୁ ପଡ଼ିଥିଲା। କରନ କେବଳ ତାଙ୍କର ଆଗାମୀ ଫିଲ୍ମ ଦୋସ୍ତାନା-୨ରୁ ନୁହେଁ ବରଂ ଧର୍ମାପ୍ରଡକ୍ସନ ହାଉସ୍ରୁ ବି କାର୍ତ୍ତିକଙ୍କୁ ବ୍ୟାନ କରିଦେଇଥିଲେ। ଇତିମଧ୍ୟରେ କାର୍ତ୍ତିକଙ୍କ ପ୍ରଶଂସକଙ୍କ ପାଇଁ ଏକ ଖୁସିଖର। ଖୁବ୍ଶୀଘ୍ର ଆଉ ଏକ ବଡ଼ ପ୍ରୋଜେକ୍ଟରେ ନଜର ଆସିବେ କାର୍ତ୍ତିକ। ଫିଲ୍ମ ‘ସତ୍ୟନାରାୟଣ କି କଥା’ରେ କାର୍ତ୍ତିକ ଆର୍ୟନଙ୍କ ଦମ୍ଦାର ଅଭିନୟ ଦେଖିବାକୁ ମିଳିବ। କାର୍ତ୍ତିକ ନିଜେ ଇନ୍ଷ୍ଟାଗ୍ରାମ୍ରେ ଏକ ୩୫ ସେକେଣ୍ଡର ଭିଡିିଓ ସହ ଏନେଇ ସୂଚନା ଦେଇଛନ୍ତି। ଏଥିସହ କ୍ୟାପସନ୍ରେ ଲେଖିଛନ୍ତି, ସତ୍ୟନାରାୟଣ କି କଥା ହେଉଛି ମୋ ହୃଦୟର ଏକ କାହାଣୀ। ସୂଚନା ମୁତାବକ ଜାତୀୟ ପୁରସ୍କାର ବିଜେତା ନିର୍ଦ୍ଦେଶକ ସମୀର ବିଦ୍ୱାନ୍ସ ନମଃ ପିକଚର୍ସ ଓ ସାଜିଦ ନାଦିଆଓ୍ବାଲାଙ୍କ ବ୍ୟାନର ନାଦିଆଓ୍ବାଲା ଗ୍ରାଣ୍ଡସନ୍ ଏଣ୍ଟରଟେନମେଣ୍ଟ ଏହି ଫିଲ୍ମର ନିର୍ଦ୍ଦେଶନା ଭାର ତୁଳାଇଛନ୍ତି। ପ୍ରେମର ଗାଥା ସତ୍ୟନାରାୟଣ କି କଥାରେ କାର୍ତ୍ତିକ ସତ୍ୟର ଚରିତ୍ରରେ ନଜର ଆସିବେ। ଏହିି ଫିଲ୍ମକୁ ନେଇ କାର୍ତ୍ତିକ ବେଶ୍ ଉତ୍ସାହିତ ଥିବା ଜଣାପଡ଼ିଛି।