![](https://www.dharitri.com/wp-content/uploads/2023/11/dev-diwali-at-kashi.jpg)
ନୂଆଦିଲ୍ଲୀ,୨୭ା୧୧: ବାରାଣାସୀରେ ଖୁବ ଧୁମଧାମରେ ପାଳନ ହୋଇଛି ଦେବ ଦୀପାବଳି। ସନ୍ଧ୍ୟା ଆସିବା ପରେ ଦୀପାଲୋକରେ ସହର ସ୍ୱର୍ଗ ପରି ଚମକିଛି। ଅପରାହ୍ନରୁ ଲୋକମାନେ ଘାଟରେ ଏକାଠି ହୋଇ ଏହି ଦିବ୍ୟ ଦୃଶ୍ୟକୁ ଦେଖିବାକୁ ଭିଡ଼ ଜମାଇଥିଲେ। ଉତ୍ତରପ୍ରଦେଶ ଗଙ୍ଗା କୂଳରେ ୮୫ ଘାଟରେ ୧୨ ଲକ୍ଷ ଦୀପ ଜଳାଯାଇଥିଲା ଏବଂ ଜନସାଧାରଣଙ୍କ ଅଂଶଗ୍ରହଣରେ କାଶୀ ବାସିନ୍ଦାଙ୍କ ଘାଟ, ପୋଖରୀ, ପୋଖରୀ ଏବଂ ହ୍ରଦରେ ସମୁଦାୟ ୨୨ ଲକ୍ଷ ଦୀପ ଜଳାଯାଇଥିଲା।
ପର୍ଯ୍ୟଟକମାନେ ଗଙ୍ଗା ପାର୍ଶ୍ୱରେ ଥିବା ବାଲି ଉପରେ ଭଗବାନ ଶିବଙ୍କ ଭଜନ ସହିତ ବାଣ ସବୁ ମଧ୍ୟ ଫୁଟାଇଥିଲେ। ଏହି ଅବସରରେ କାଶୀର ମହତ୍ୱ ଏବଂ ଶ୍ରୀ କାଶୀ ବିଶ୍ୱନାଥ ଧାମ ଉପରେ ଆଧାରିତ କରିଡର ନିର୍ମାଣ ସମ୍ବନ୍ଧୀୟ ସୂଚନା ଗଙ୍ଗା କୂଳରେ ଲେଜର ସୋ ମାଧ୍ୟମରେ ପ୍ରଦର୍ଶିତ ହୋଇଥିଲା। ପ୍ରାଚୀନ ସହରର ପୁରାତନ ମନ୍ଦିର ଗୁଡିକରେ ବହୁ ସଂଖ୍ୟାରେ ଦୀପମାନ ସବୁ ଜଳାଯାଇଥିଲା। ସେହିପରି ଲୋକମାନେ ନିଜ ଘରେ ଦେବା ଦୀପାବଳି ଅବସରରେ ଦୀପରେ ସଜାଇଥିଲେ।
Dev Deepawali being celebrated in Varanasi, Uttar Pradesh today on the occasion of Kartik Purnima pic.twitter.com/FJD4AnhORf
— ANI (@ANI) November 27, 2023
ଦେବ ଦୀପାବଳି ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବାରାଣାସୀରେ ପହଞ୍ଚିଥିଲେ। ବିଶ୍ୱ ପ୍ରସିଦ୍ଧ କାଶୀ ଦେବ ଦୀପାବଳୀକୁ ନମୋ ଘାଟରୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆନୁଷ୍ଠାନିକ ଭାବେ ଉଦଘାଟନ କରିଥିଲେ। ଏଠାରେ ମୁଖ୍ୟମନ୍ତ୍ରୀ ୭୦ ଟି ଦେଶର ରାଷ୍ଟ୍ରଦୂତ ଏବଂ ବିଦେଶୀ ପ୍ରତିନିଧୀଙ୍କ ଉପସ୍ଥିତିରେ ପ୍ରଥମ ଦୀପ ଜାଳିଥିଲେ। ଏହା ପରେ ଅବଶିଷ୍ଟ ଘାଟଗୁଡ଼ିକରେ ଦୀପ ପ୍ରଜ୍ୱଳନ ଆରମ୍ଭ ହୋଇଥିଲା।