ଟିକିରି,୮ା୮(ଡି.ଏନ୍.ଏ.):ରାୟଗଡ଼ା ଜିଲା କାଶୀପୁର ବ୍ଲକରେ ଥିବା ପୋଷ୍ଟ ମଟମ ଗୃହ ଥାଇ ଲୋକେ ଉପକୃତ ହେଉନାହାନ୍ତି। ଆବଶ୍ୟକ ସମୟରେ ପୋଷ୍ଟମଟମ୍ ପାଇଁ କାଶୀପୁର ଯିବାକୁପଡୁଛି। ଏହି ପୋଷ୍ଟମଟମ୍ ଘରର କବାଟ ନାହିଁ କି ଝରକା ନାହିଁ। ଏଠାରେ ହେଉଥିବା ପୋଷ୍ଟମଟମ୍କୁ ସାଧାରଣ ଲୋକେ ଦେଖିପାରିଥାନ୍ତି। ମଶାଣିରେ ବିଶ୍ରାମ ଗୃହ ରହିଛି ମାତ୍ର ଏହାର ଛାତ ନାହିଁ। ଫଳରେ ଏନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ମଶାଣିର ଏହି ଗୃହ ଛାତ ପକାଇବା ଲାଗି ଅତୀତରେ ଅନେକ ନେତା, ମନ୍ତ୍ରୀ ପ୍ରତିଶ୍ରୁତି ଦେଇଥିଲେ ମଧ୍ୟ ଏବେ ସେମାନଙ୍କ ଦେଖାନାହିଁ। କାଶୀପୁରର ଏହି ମଶାଣିକୁ ଯିବା ବେଳେ ୨ଟି ବିଦେଶୀ ମଦ ଦୋକାନ ଅତିକ୍ରମ କରି ଯିବାକୁ ପଡିଥାଏ। ଏହି ବିଦେଶୀ ମଦ ଦୋକାନ ଯୋଗୁ ଆଖପାଖରେ ଅନେକ ଭଙ୍ଗା କାଚ ମଦ ବୋତଲ ପଡ଼ିଥିବା ଦେଖିବାକୁ ମିଳେ। ଶିବ ମନ୍ଦିରକୁ ଯାଇଥିବା ଏହି ରାସ୍ତାରେ ପ୍ରତ୍ୟେହ ସ୍ଥାନୀୟ ଲୋକେ ମଧ୍ୟ ଯାତାୟାତ କରିଥାନ୍ତି। ଏହା ସତ୍ତ୍ୱେ ପଡିଥିବା ଭଙ୍ଗା କାଚ ଓ ମଦ ବୋତଲଗୁଡିକ ପ୍ରତି କାହାର ନଜର ପଡେନାହିଁ। ଅସରାଏ ବର୍ଷା ହେଲେ ରାସ୍ତାର ଅଳିଆ ଆବର୍ଜନା ରାସ୍ତା ଉପରକୁ ଭାସିଆସେ। ଏହି ସମୟରେ ମୃତଦେହ ନେଇ ଯିବା କଷ୍ଟକର ହୋଇଥାଏ। ପରିତ୍ୟକ୍ତ ଅବସ୍ଥାରେ ପଡିଥିବା ଏହି ଗୃହର ପୁନରୁଦ୍ଧାର ପାଇଁ ସାଧାରଣରେ ଦାବି ହେଉଛି।
