ନୂଆଦିଲ୍ଲୀ: କଶ୍ମୀରର ଜଣେ ୬ ବର୍ଷ ବାଳିକାଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି। ଭିଡିଓରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟରେ ସ୍କୁଲ ପିଲାଙ୍କ ଉପରେ ହୋମଓ୍ବାର୍କ ବୃଦ୍ଧି ଏବଂ ଅଧ୍ୟୟନର ବୋଝକୁ ନେଇ ଅଭିଯୋଗ କରିଛନ୍ତି। ଇତିମଧ୍ୟରେ ଏହାକୁ ୩.୬୯ ଲକ୍ଷ ଲୋକ ଦେଖି ସାରିଥିବା ବେଳେ ସଂଖ୍ୟା ବଢ଼ିବାରେ ଲାଗିଛି।
ଭିଡିଓରେ ନିରୀହ ଶିଶୁଟି ନିଜ ବୟସ ୬ ବର୍ଷ ବୋଲି କହିଛନ୍ତି। ହେଲେ ତାର ହୋମଓ୍ବାର୍କର ବୋଛ ବଡ଼ ଛାତ୍ରମାନଙ୍କ ଭଳି ଅଟେ। ଏପରି କାହିଁକି ବୋଲି ସେ ମୋଦିଙ୍କୁ ପଚାରିଛନ୍ତି। ତାଙ୍କ କ୍ଲାସ ସକାଳ ୧୦ଟାରୁ ରାତି ୨ଟା ପର୍ଯ୍ୟନ୍ତ ଚାଲିଥାଏ। ଫଳରେ ହୋମଓ୍ବାର୍କର ପରିମାଣ ବଢ଼ି ବଢ଼ି ଚାଲିଥାଏ ବୋଲି ସେ କହିଛନ୍ତି।
Modi saab ko is baat par zaroor gaur farmana chahiye😂 pic.twitter.com/uFjvFGUisI
— Namrata Wakhloo (@NamrataWakhloo) May 29, 2021
ଭିଡିଓଟି ସାମ୍ନାକୁ ଆସିବା ପରେ କେନ୍ଦ୍ରଶାସିତ ପ୍ରଦେଶର ଉପରାଜ୍ୟପାଳ ମନୋଜ ସିହ୍ନା ପ୍ରତିକ୍ରିୟା ଦେଇଛନ୍ତି। ସେ ଏକ ଟୁଇଟ୍ରେ କହିଛନ୍ତି, ଏହା ବେଶ୍ ପ୍ରଶଂସନୀୟ ଅଭିଯୋଗ। ସ୍କୁଲ ପିଲାମାନଙ୍କ ପାଇଁ ହୋମଓ୍ବାର୍କକୁ ହାଲକା କରିବା ପାଇଁ ୪୮ ଘଣ୍ଟା ମଧ୍ୟରେ ନୀତି ଆଣିବା ଲାଗି ବିଦ୍ୟାଳୟ ଶିକ୍ଷା ବିଭାଗକୁ କୁହାଯାଇଛି। ଶିଶୁଙ୍କ ପିଲାଦିନ ଇଶ୍ୱରଙ୍କ ଉପହାର ସଦୃଶ୍ୟ। ଏହା ଆନନ୍ଦ ହର୍ଷ ଉଲ୍ଲାସରେ ପରିପୂର୍ଣ୍ଣ ରହିବା ଆବଶ୍ୟକ ବୋଲି ସେ କହିଛନ୍ତି।
