ପାରଳାଖେମୁଣ୍ଡି,୮।୫(ଡି.ଏନ୍.ଏ.): ଗଜପତି ଜିଲା ମୋହନା ବ୍ଲକ ଅନ୍ତର୍ଗତ କଟାମା ପଞ୍ଚାୟତ ସଦର କାଟାମାଠାରେ ଥିବା ଛାତ୍ରାବାସ ଅବ୍ୟବସ୍ଥା ମଧ୍ୟରେ ରହିଛି । ଆଦିବାସୀ ଅଧ୍ୟୁଷିତ ଅଞ୍ଚଳରେ ରହିଥିବା ଏହି ଛାତ୍ରାବାସରେ ରୋଷେଇ ଶାଳାର ବ୍ୟବସ୍ଥା ନ ଥିବାରୁ ବର୍ଷା, କାକର, ଗ୍ରୀଷ୍ମରେ ପିଲାଙ୍କୁ ଖାଇବାକୁଦେବାକୁ ହେଲେ କାଠିକର ପାଠ ହୋଇପଡୁଛି। ରୋଷେଇ କରିବାକୁ ବହୁତ ଅସୁବିଧା ହେବାକୁ ପଡୁଥିବା ବେଳେ ଖାଇବା ପାଇଁ ସ୍ଥାନ ନ ଥିବାରୁ ଆରୁରି ଅସୁବିଧାରେ ପଡୁଥିବାର କହିଛନ୍ତି। ଖୋଲା ମେଲାରେ ପିଲାଙ୍କୁ ରୋଷେଇ କରିବାକୁ ପଢେ। ରୋଷେଇ ଘର ନାହିଁ ଓ ଛାତ୍ରା ବାସ କୋଠା ମଧ୍ୟ ଅଧାପନ୍ତରିଆ ପଡି ରହିଛି। ୧୦୦ ଶଯ୍ୟା ବିଶଷ୍ଟ ଛାତ୍ରାବାସ ନିର୍ମାଣ ପାଇଁ କାମ ଚାଲିଥିଲେ ମଧ୍ୟ ଏହା ଏବେ ଅଧାପନ୍ତରିଆ ଭାବେ ପଡି ରହିଛି। ୨ ବର୍ଷ ହେଲା ଆଦିବାସୀ ପିଲାମାନେ ସରକାରୀ ଯୋଜନାରେ ସଫଳ ହୋଇପାରୁ ନାହାଁନ୍ତି । କଟାମାଠାରୁ ମୋହନା ବ୍ଲକ ସଦରକୁ ଯିବାକୁ ହେଲେ ୪୦ ରୁ ୫୦ କିଲୋମିଟର ଯିବାକୁ ପଢେ। ତେବେ ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେଲେ କଟାମା ପଞ୍ଚାୟତବାସୀ ଉପକୃତ ହେବେ ବୋଲି
ଗ୍ରାମବାସୀ ସୂଚନା ଦେଇଛନ୍ତି।