ନୂଆଦିଲ୍ଲୀ,୭।୧୧: ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)ର ଟାଇଟଲ ହାସଲ କରିବାରୁ ଲଗାତାର ୮ମ ଥର ପାଇଁ ବଞ୍ଚିତ ହୋଇଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର। ଶୁକ୍ରବାର ଖେଳାଯାଇଥିବା ଏଲିମିନେଟର ମ୍ୟାଚ୍ରେ ବିରାଟ କୋହଲିଙ୍କ ଟିମ୍ ସନରାଇଜର୍ସ ହାଇଦ୍ରାବାଦଠୁ ପରାସ୍ତ ହୋଇଥିଲା। ହେଲେ ଆର୍ସିବିର ପ୍ରଶଂସକମାନେ ଏହାକୁ ଗ୍ରହଣ କରିପାରୁନାହାନ୍ତି। ପୂର୍ବ କ୍ରିକେଟର ଗୌତମ ଗମ୍ଭୀର ଏବଂ ସଞ୍ଜୟ ମାଞ୍ଜରେକର ଅଧିନାୟକ ପଦରୁ କୋହଲିଙ୍କୁ ହଟାଇଦିଆଯାଉବୋଲି ମନ୍ତବ୍ୟ ରଖୁଥିବା ବେଳେ ଇଲଂଣ୍ଡର ମହିଳା କ୍ରିକେଟ୍ ଟିମ୍ର ଦ୍ରୁତ ବୋଲର୍ ଆର୍ସିବିର ମଜା ଉଡାଇଛନ୍ତି।
କ୍ରିକେଟର ଆଲେକ୍ସାଣ୍ଡ୍ରା ହାର୍ଟଲେ ଆର୍ସିବିର ବଡ଼ ପ୍ରଶଂସକ। ସେ ନିଜର ଟୁଇଟର ହ୍ୟାଣ୍ଡେଲରେ ଆମକୁ ଗୋଟିଏ ମ୍ୟାଚ୍ ଜିତିବାର ଥିଲା। ଆମେ କ’ଣ କେବେ ଟାଇଟଲ ଜିତିପାରିବା ବୋଲି କହିଥିଲେ। ଏହାର ଜବାବ ଦେଇ କେଟ୍ କ୍ରସ୍ ଧୋନୀଙ୍କ ଲୋକପ୍ରିୟ ଡାଏଲଗ୍ ‘ଡେଫିନାଇଟଲି ନଟ୍’ ବୋଲି କହି ମଜା ଉଡାଇଛନ୍ତି।
🙊 https://t.co/uHbbvvGaom pic.twitter.com/dBy37Tf2aQ
— Kate Cross (@katecross16) November 6, 2020
