ମୁମ୍ବାଇ
ଅଭିନେତା ଭିକ୍କି କୌଶଲଙ୍କ ଅଭିନୀତ ‘ସାମ୍ ବାହାଦୁର’ ଶୁକ୍ରବାର ସିନେମା ହଲ୍ରେ ମୁକ୍ତିଲାଭ କରିଛି। ଫିଲ୍ମକୁ ନେଇ ପ୍ରଶଂସକଙ୍କ ଉତ୍ସାହ ଦେଖିବାକୁ ମିଳିଛି। ଏହା ମଧ୍ୟରେ ଭିକ୍କିଙ୍କ ସ୍ତ୍ରୀ ତଥା ଅଭିନେତ୍ରୀ କ୍ୟାଟ୍ରିନା କୈଫ୍ ‘ସାମ୍ ବାହାଦୁର’ର ରିଭ୍ୟୁ ଶେୟାର କରିଛନ୍ତି। ଫିଲ୍ମରେ ତାଙ୍କ ସ୍ବାମୀ ଭିକ୍କିଙ୍କ ଅଭିନୟକୁ ପ୍ରଶଂସା କରି ଇନ୍ଷ୍ଟାଗ୍ରାମ୍ରେ ଏକ ଲମ୍ବା ନୋଟ ଲେଖିଛନ୍ତି। ନିକଟରେ କ୍ୟାଟ୍ରିନା ଫିଲ୍ମ ସ୍କ୍ରିନିଂରେ ଭିକ୍କିଙ୍କ ସହ ଯୋଗ ଦେଇଥିଲେ। ଭିକ୍କିଙ୍କ ବାୟୋଗ୍ରାଫିକାଲ୍ ଯୁଦ୍ଧଭିତ୍ତିକ ଡ୍ରାମାକୁ କ୍ୟାଟ୍ରିନା ‘କାବ୍ୟାତ୍ମକ’ ସିନେମା ବୋଲି କହିଛନ୍ତି। ଭିକ୍କିଙ୍କ ଅଭିନୟ ଜୀବନ୍ତ ବୋଲି ସେ କହିଛନ୍ତି। ସେଥିପାଇଁ ସମସ୍ତେ ଭିକ୍କିଙ୍କ ଚରିତ୍ରକୁ ନିଶ୍ଚିତ ଧ୍ୟାନ ହେବାକୁ କହିଛନ୍ତି। ତାଙ୍କ ବୀରତ୍ୱ, ନିଖୁଣ ଅଭିନୟରେ କ୍ୟାଟ୍ରିନା ଆଶ୍ଚର୍ଯ୍ୟ। ଭିକ୍କି ଏତେ ପ୍ରେରଣାଦାୟକ, ପରଦାରେ ତାଙ୍କ ଚରିତ୍ରକୁ ଦେଖି ଅତ୍ୟନ୍ତ ଗର୍ବିତ ବୋଲି ସେ କହିଛନ୍ତି। ମେଘନା ଗୁଲଜାରଙ୍କ ନିର୍ଦ୍ଦେଶିତ ଏହି ସିନେମାରେ ଭିକ୍କି ଦେଶର ପ୍ରଥମ ଫିଲ୍ଡ ମାର୍ଶଲ ସାମ ମାନେକ୍ସା ଭୂମିକାରେ ଅଭିନୟ କରିଛନ୍ତି। ଫାତିମା ସାନା ଶେଖ୍ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିଛନ୍ତି। ସେ ୨୦୧୨ରେ ତାଙ୍କ ଫିଲ୍ମ କ୍ୟାରିୟର ଆରମ୍ଭ କରିଥିଲେ। ସେ ପୂର୍ବରୁ ଅନେକ ସିନେମା କରିଥିବାବେଳେ ଆଗକୁ ତାଙ୍କର ଆଉ ୨ଟି ଫିଲ୍ମ ଆସିବାକୁ ଯାଉଛି।