ମୁମ୍ବାଇ: ବଲିଉଡ୍ର ଅଭିନେତ୍ରୀ ଆଲିଆ ଭଟ୍ଟ ଏବେ ଖୁବ୍ ଚର୍ଚ୍ଚାରେ। ତାଙ୍କ ଆଗାମୀ ଫିଲ୍ମ ‘ଗଙ୍ଗୁବାଇ କାଠିଆୱାଡି’ର ଟ୍ରେଲକୁ ସମସ୍ତେ ପସନ୍ଦ କରିଛନ୍ତି। ଫେବୃୟାରୀ ୪ରେ ଫିଲ୍ମର ଟ୍ରେଲର ରିଲିଜ୍ ହୋଇଥିଲା। ତେବେ ଫିଲ୍ମର ରିଲିଜ୍କୁ ସମସ୍ତେ ଚାହିଁ ରହିଛନ୍ତି। ଖାଲି ସେତିକି ନୁହେଁ,ବଲିଉଡ୍ ଅଭିନେତା ଏବଂ ଅଭିନେତ୍ରୀମାନେ ମଧ୍ୟ ଫିଲ୍ମକୁ ଦେଖିବାକୁ ଅପେକ୍ଷା କରିଛନ୍ତି। ନିକଟରେ ତାଙ୍କ ବନ୍ଧୁ ତଥା ଅଭିନେତ୍ରୀ କ୍ୟାଟ୍ରିନା କୈଫ ଇନ୍ଷ୍ଟାଗ୍ରାମରେ ଫିଲ୍ମ ‘ଗଙ୍ଗୁବାଇ କାଠିଆୱାଡି’ର ଟ୍ରେଲକୁ ଶେୟାର କରିଛନ୍ତି। ଶେୟାର କରି ଲେଖିଛନ୍ତି, ‘ଫିଲ୍ମକୁ ଦେଖିବା ପାଇଁ ମୁଁ ଆଉ ଅପେକ୍ଷା କରିପାରିବି ନାହିଁ।’
ଫେବୃୟାରୀ ୪ରେ ଆଲିଆଙ୍କ ‘ଗଙ୍ଗୁବାଇ କାଠିଆୱାଡି’ ନିର୍ମାତା ଟ୍ରେଲର ରିଲିଜ୍ କରିଥିଲେ। ଟ୍ରେଲରକୁ ଦେଖିବା ପରେ ତାଙ୍କ ସହକର୍ମୀ ଏବଂ ପ୍ରଶଂସକଙ୍କ ଠାରୁ ବହୁତ ଭଲ ପାଇବା ମିଳିଛି। ଫେବୃୟାରୀ ୨୫ରେ ଗାଙ୍ଗୁବାଇ କାଥିଆୱାଡି ପ୍ରେକ୍ଷାଳୟରେ ରିଲିଜ୍ ହେବାକୁ ଯାଉଛି।