ମୁମ୍ବାଇ: ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍ ଆଜିକାଲି ତାଙ୍କ ଅପ୍ଡେଟ୍ ହରର କମେଡି ଫିଲ୍ମ ‘ଫୋନ୍ ଭୂତ୍’କୁ ନେଇ ବହୁତ ବ୍ୟସ୍ତ ରହୁଛନ୍ତି। ତାଙ୍କର ଏହି ଫିଲ୍ମ ଆସନ୍ତା ନଭେମ୍ବର ୪ରେ ହଲ୍ରେ ରିଲିଜ ହେବାକୁ ଯାଉଛି। ଏଥିପାଇଁ କ୍ୟାଟ୍ରିନା ପ୍ରତି ପ୍ଲାଟ୍ଫର୍ମରେ ଫିଲ୍ମର ପ୍ରଚାର ପ୍ରସାର କରୁଛନ୍ତି। କ୍ୟାଟ୍ରିନା ତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟରେ ନିଜର କିଛି ନୂଆ ଫଟୋ ଶେୟାର କରିଛନ୍ତି। ଯେଉଁଥିରେ ଭିନ୍ନ ଲୁକ୍ରେ ନଜର ଆସିଛନ୍ତି।
କ୍ୟାଟ୍ରିନାଙ୍କ ଏହି ଲୁକ୍ ତାଙ୍କର ଆଗାମୀ ଫିଲ୍ମ ‘ଫୋନ୍ ଭୂତ୍’ରେ ଦେଖିବାକୁ ମିଳିବ। ସୋସିଆଲ ମିଡିଆରେ କ୍ୟାଟ୍ରିନାଙ୍କ ଏହି ଲୁକ୍ର ଫଟୋ ଛାଇଯାଇଛି। ପ୍ରଶଂସକମାନେ ତାଙ୍କର ଏହି ଫଟୋରେ ଲଗାତର କମେଣ୍ଟ ଦେଇଚାଲିଛନ୍ତି। ତାଙ୍କର ଏହି ନୂଆ ଲୁକ୍ର ପ୍ରଶଂସା କରୁଛନ୍ତି। ଏଥିମଧ୍ୟରେ ଜଣେ ପାକିସ୍ତାନୀ ପ୍ରଶଂସକ ବି ଅଛନ୍ତି। ଏହି ପ୍ରଶଂସକ ଜଣକ କ୍ୟାଟ୍ରିନାଙ୍କ ପାଇଁ ହୃଦୟଛୁଆଁ କମେଣ୍ଟଟି ଦେଇଛନ୍ତି। ସେ ଲେଖିଛନ୍ତି, ‘ପାକିସ୍ତାନର ଆହୁରି ଅଧିକ ପ୍ରେମ’। ମାତ୍ର ୪ ଘଣ୍ଟା ପୂର୍ବରୁ କ୍ୟାଟ୍ ଏହି ଫଟୋଟି ଶେୟାର କରିଛନ୍ତି। ଏତିକି ସମୟ ମଧ୍ୟରେ ବର୍ତ୍ତମାନ ସୁଦ୍ଧା ଏହାକୁ ୧୧ ଲକ୍ଷରୁ ଅଧିକ ଲୋକ ଦେଖିସାରିଲେଣି।
‘ଫୋନ୍ଭୂତ’ରେ କ୍ୟାଟ୍ରିନା ଇଶାନ ଖଟର ଏବଂ ସିଦ୍ଧାନ୍ତ ଚତୁର୍ବେଦୀଙ୍କ ସହ ନଜର ଆସିବେ।
