ମୁମ୍ବାଇ: ଅଭିନେତ୍ରୀ କାଟ୍ରିନା କୈଫ୍ ତାଙ୍କ ଆଗାମୀ ଫିଲ୍ମକୁ ନେଇ ଚର୍ଚ୍ଚାରେ ରହିଛନ୍ତି। କାଟ୍ରିନା ଅଧିକାଂଶ ସମୟ ସୋସିଆଲ ମିଡିଆରେ ଆକ୍ଟିଭ୍ ରୁହନ୍ତି। ପ୍ରଶଂସକମାନଙ୍କ ସହ ଯୋଡ଼ି ହୋଇ ରହିବା ପାଇଁ ସେ ବିଭିନ୍ନ ସମୟରେ ଫଟୋ ଏବଂ ଭିଡିଓ ଶେୟାର କରିଥାନ୍ତି। ବର୍ତ୍ତମାନ ସେ ତାଙ୍କ ଇନ୍ଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି, ଯାହା ଖୁବ୍ ଭାଇରାଲ ହେବାରେ ଲାଗିଛି।
ଫଟୋରେ କାଟ୍ରିନା ଏକ ଲାଲ୍ ହଳଦୀ ରଙ୍ଗର ମିଶା ଫୁଲ ଥିବା ଲେହେଙ୍ଗା ପିନ୍ଧିଛନ୍ତି। ସେ ଓଢ଼ଣୀରେ ପୋଜ୍ ଦେଉଥିବା ନଜର ଆସିଛି। କାଟ୍ରିନାଙ୍କ ଇନ୍ଷ୍ଟାଗ୍ରାମରେ ବହୁତ ଫ୍ୟାନ୍ ଫଲୋଅର୍ସ ଅଛନ୍ତି। ତାଙ୍କର ଏହି ଫଟୋକୁ ବର୍ତ୍ତମାନ ସୁଦ୍ଧା ୧୬ ଲକ୍ଷ ଲୋକ ପସନ୍ଦ କରିଛନ୍ତି।
ଫିଲ୍ମ ‘ଟାଇଗର-୩’ର ଅନ୍ତର୍ଜାତୀୟ କାର୍ଯ୍ୟସୂଚୀ ଶେଷ କରି ନିକଟରେ ମୁମ୍ବାଇ ଫେରିଛନ୍ତି। ସେ ଏହି ଫିଲ୍ମରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହା ବ୍ୟତୀତ ସେ ଖୁବ୍ଶୀଘ୍ର ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ଫିଲ୍ମ ‘ସୂର୍ଯ୍ୟବଂଶୀ’ରେ ଅକ୍ଷୟ କୁମାରଙ୍କ ସହ ନଜର ଆସିବେ।