ସାଧାରଣତଃ ବିବାହ ପ୍ରୋସେଶନରେ ବଲିଉଡ୍ କିମ୍ବା ସାଉଥ୍ ଫିଲ୍ମର ହିଟ୍ ଗୀତ ବାଜିଥାଏ। ଏହି ଗୀତ ଯେ, କେବଳ ଆମ ଦେଶରେ ସୀମିତ ତା’ ନୁହେଁ, ବଲିଉଡ୍ ଗୀତର କ୍ରେଜ୍ ବିଦେଶୀ ବିବାହରେ ମଧ୍ୟ ଦେଖିବାକୁ ମିଳିଛି। ଏହାର ଏକ ଭିଡିଓ ଯାହା ବର୍ତ୍ତମାନ ସୋସିଆଲ ମିଡିଆରେ ଲୋକପ୍ରିୟ ହେବାରେ ଲାଗିଛି। ଯେଉଁଥିରେ ନରଓ୍ବେ ଡ୍ୟାନ୍ସରମାନେ ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍ଙ୍କ ‘କାଲା ଚଷ୍ମା’ ଗୀତରେ ଏକ ଡ୍ୟାନ୍ସ କରୁଛନ୍ତି।
ଯଦିଓ ବିବାହରେ ଘଟୁଥିବା ମଜାଳିଆ ଡ୍ୟାନ୍ସର ଭିଡିଓ ପ୍ରତିଦିନ ସୋସିଆଲ ମିଡିଆରେ ଭାଇରାଲ ହୁଏ, କିନ୍ତୁ ଏହି ଭିଡିଓରେ କିଛି ବିଶେଷତ୍ତ୍ୱ ରହିଛି। ଏଥିରେ ଭାରତୀୟ ନୁହେଁ ବରଂ ବିଦେଶୀ ଯୁବକମାନେ ଦେଶୀ ଗୀତରେ ଡ୍ୟାନ୍ସ କରୁଛନ୍ତି। ଯିଏ ଏହି ଡ୍ୟାନ୍ସ ଦେଖୁଛି, ସେ ଯୁବକମାନଙ୍କୁ ପ୍ରଶଂସା ନ କରି ରହିପାରୁନି। ଏପରି ଜବରଦସ୍ତ ଡ୍ୟାନ୍ସ ଦେଖି ଦର୍ଶକ ବିଭୋର।
ଭାଇରାଲ ହେଉଥିବା ଭିଡିଓ ଏକ ରିସେପ୍ସନ ପାର୍ଟି ପରି ଦେଖାଯାଉଛି। କିଛି ଯୁବକ ଏହି ପାର୍ଟିକୁ ଆସି ବଲିଉଡ୍ର ପ୍ରସିଦ୍ଧ ଗୀତ ‘କାଲା ଚଷ୍ମା’ରେ ଡ୍ୟାନ୍ସ କରୁଛନ୍ତି। ଦର୍ଶକମାନେ ସେମାନଙ୍କର ଷ୍ଟାଇଲ୍ ଦେଖି ଆଶ୍ଚର୍ଯ୍ୟ। ଏହି ଯୁବଗୋଷ୍ଠୀ କଳା ରଙ୍ଗର, ଶୁଟ୍, ବୁଟ୍ ଏବଂ କଳା ଚଷମା ପିନ୍ଧିଛନ୍ତି।
ଭିଡିଟିକୁ ବର୍ତ୍ତମାନ ସୁଦ୍ଧା ୮୨ ଲକ୍ଷ ଲୋକ ଦେଖିସାରିଲେଣି। ଭିଡିଓଟି ଇନ୍ଷ୍ଟାଗ୍ରାମରେ ୟାସିନ୍ ଟାଟ୍ବି ନାମକ ଏକ ଆକାଉଣ୍ଟରେ ଶେୟାର କରାଯାଇଛି। ୟାସିନ ଟାଟ୍ବି ନରଓ୍ବେର ଜଣେ ନୃତ୍ୟଶିଳ୍ପୀ ଏବଂ ତାଙ୍କର ଏକ ଡ୍ୟାନ୍ସ ଗ୍ରୁପ୍ ରହିଛି। ଭିଡିଓକୁ ୮ ଲକ୍ଷ ଲୋକ ପସନ୍ଦ କରିଛନ୍ତି। ଏହି ଭିଡିଓ ଉପରେ ହଜାର ହଜାର ଲୋକ ମନ୍ତବ୍ୟ ଦେବା ସହ ଯୁବକମାନଙ୍କ ଡ୍ୟାନ୍ସ ଏବଂ ଏନର୍ଜିକୁ ପ୍ରଶଂସା କରିଛନ୍ତି।
