ଅଭିନେତା ବିକି କୌଶଲ ଆଜିକାଲି ସ୍ତ୍ରୀ କ୍ୟାଟ୍ରିନା କୈଫଙ୍କ ସହ ମାଳଦ୍ୱୀପରେ ଛୁଟି କାଟୁଛନ୍ତି। ନିକଟରେ ବିକି ଇନଷ୍ଟାଗ୍ରାମରେ କ୍ୟାଟ୍ରିନାଙ୍କ ସହ ଏକ ସୁନ୍ଦର ରୋମାଣ୍ଟିକ୍ ଫଟୋ ଶେୟାର କରିଛନ୍ତି। ଫଟୋରେ ଉଭୟ ଧଳା ଡ୍ରେସ୍ ପିନ୍ଧି ବସିଥିବାର ଦେଖିବାକୁ ମିଳିଛି। କ୍ୟାଟ୍ରିନା ସ୍ବାମୀଙ୍କୁ ଚାହିଁ ହସୁଛନ୍ତି। ଏଠାରେ ଉଭୟଙ୍କ କେମେଷ୍ଟ୍ରିକୁ ଦର୍ଶକ ବେଶ୍ ପସନ୍ଦ କରିଛନ୍ତି। ଅନେକ ଦିନ ହେବ ବିକି କ୍ୟାଟ୍ରିନାଙ୍କ ସହ କୌଣସି ଫଟୋ ସୋସିଆଲ ମିଡିଆରେ ଶେୟାର କରି ନ ଥିଲେ। ତାଙ୍କ ପ୍ରଶଂସକ ଉଭୟଙ୍କ ଏକାଠି ଫଟୋ ଶେୟାର କରିବାକୁ ବିକିଙ୍କ ଆଗରେ ଡିମାଣ୍ଡ ରଖିଥିଲେ। ଶେଷରେ ସେ ତାହା ପୂରଣ କରିଛନ୍ତି।
ନିକଟରେ କ୍ୟାଟ୍ରିନା କିଛି ଘନିଷ୍ଠ ବନ୍ଧୁଙ୍କ ସହ ମାଳଦ୍ୱୀପରେ ନିଜର ଜନ୍ମଦିନ ପାଳନ କରିଥିଲେ। ଜନ୍ମଦିନ ପାର୍ଟିରେ ବିକି କୌଶଲ, ତାଙ୍କ ଭାଇ ସନି, ଇଲିଆନା ଡି ସୁଜା ଭଳି ଷ୍ଟାର୍ମାନେ ନଜର ଆସିଥିଲେ।