ବମ୍ବେ: ନୂଆ ନୂଆ ବିବାହ, ଏଣୁ ମନ ଉଡୁଛି ଆକାଶରେ। ଆମେ କଥା ହେଉଛୁ ବଲିଉଡ୍ ଅଭିନେତ୍ରୀ କଟ୍ରିନା କୈଫ୍ ଏବଂ ଭିକ୍କି କୌଶଲଙ୍କ କଥା। ମାସେ ତଳେ ହାତକୁ ଦୁଇ ହାତ ହୋଇଥିଲେ ଉଭୟେ। ସେବେଠାରୁ ଉଭୟ ପ୍ରତିଟି ଉତ୍ସବକୁ ଏକାସହ ପାଳୁଛନ୍ତି। କ୍ରିସମାସ୍ ପରେ ଏବେ ପ୍ରଥମ ଲୋହ୍ରିରେ ସେମାନଙ୍କୁ ଏକାଠି ଦେଖିବାକୁ ମିଳିଛି। ସୋସିଆଲ ମିଡିଆରେ ଏନେଇ ପୋଷ୍ଟ କରିବା ପରେ ତାହା ଭାଇରାଲ ହେଉଛି।
ଫଟୋରେ ନାଲି ରଙ୍ଗର ଶୁଟ୍ କଟ୍ରିନା ପିନ୍ଧିଥିବା ବେଳେ ଭିକ୍କି ତାଙ୍କୁ କମ୍ପ୍ଲିମେଣ୍ଟ ଦେଉଛନ୍ତି। ଉଭୟଙ୍କ ଯୋଡ଼ି ବହୁତ ସୁନ୍ଦର ଲାଗୁଛି। ପ୍ରଶଂସକମାନେ ପୋଷ୍ଟରେ ବେଷ୍ଟ ଯୋଡ଼ି ବୋଲି କମେଣ୍ଟ ଦେଉଛନ୍ତି। ତେବେ ଡିସେମ୍ବରରେ ବିବାହ ପରେ ବିକ୍କି-କଟ୍ରିନା ଏବେ ନିଜର ନୂଆ ଘରେ ରହୁଛନ୍ତି।