ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ ଲୁକ୍ ଏବଂ ଅଭିନୟକୁ ନେଇ ଚର୍ଚ୍ଚାରେ ରୁହନ୍ତି। ତାଙ୍କ ଫିଲ୍ମକୁ ଦେଖିବା ପାଇଁ ଦର୍ଶକ ଅପେକ୍ଷା କରି ରହିଥାନ୍ତି। ନିକଟରେ ବହୁ ପ୍ରତୀକ୍ଷିତ ଫିଲ୍ମ ‘ଫୋନ ଭୁତ୍’କୁ ନେଇ କ୍ୟାଟ୍ରିନା ଖୁସି ଖବର ଦେଇଛନ୍ତି। ତେବେ ସେହି ଖୁସି ଖବରଟି ହେଉଛି କି, ଜୁଲାଇ ୧୮ରେ ତାଙ୍କ ଅଭିନୀତ ଫିଲ୍ମ ରିଲିଜ୍ ହେବାକୁ ଯାଉଛି। ଦୀର୍ଘଦିନ ପରେ ପୁଣି ପରଦାରେ କ୍ୟାଟ୍ରିନାଙ୍କୁ ଦେଖିବାକୁ ମିଳିବ। ଯାହାକୁ ଉତ୍ସାହିତର ସହିତ ଦର୍ଶକ ଅପେକ୍ଷା କରିଛନ୍ତି। କିଛି ଦିନ ତଳେ ଫିଲ୍ମ ‘ଫୋନ ଭୁତ୍’ର ଟିଜର ରିଲିଜ୍ ହୋଇଥିଲା। ଏହାକୁ ଦେଖିବା ପରେ ଦର୍ଶକ ପସନ୍ଦ ମଧ୍ୟ କରିଥିଲେ। କ୍ୟାଟ୍ରିନା ନିକଟରେ ବଲିଉଡ୍ ଅଭିନେତା ଭିକି କୌଶଲଙ୍କୁ ବିବାହ କରି ଚର୍ଚ୍ଚା ପରିସରକୁ ଆସିଥିଲେ।
