ମୁମ୍ବାଇ: ଭାରତର ପ୍ରଥମ ମହିଳା ରେସଲର କବିତା ଦେବୀ ନିଜ ରେସଲିଂ ଦମରେ ଦେଶ ପାଇଁ ଗୌରବ ଆଣି ଦେଇଛନ୍ତି। କବିତା ଦେବୀଙ୍କ ପରିଚୟ ଏମିତି ଜଣେ ବ୍ୟକ୍ତିତ୍ୱ ଭାବେ ହୋଇଥାଏ, ଯେ କି ପ୍ରଥମ ଇଣ୍ଡିଆନ ଫିମେଲ ରେସଲର ଭାବେ ଡବ୍ଲୁଡବ୍ଲୁଇରେ ଭାଗ ନେଇଥିଲେ ଓ ତାଙ୍କର ଉତ୍ସାହ ଓ ଲଢିବାର କ୍ଷମତା ବଳରେ ସେ ପ୍ରମାଣ କରିଥିଲେ କି ଭାରତୀୟ ମହିଳା କୌଣସି ଗୁଣରେ କମ ନୁହଁନ୍ତି। ଏବେ କବିତା ଦେବୀଙ୍କ ଉପରେ ଖୁବଶୀଘ୍ର ଏକ ଫିଲ୍ମ ନିର୍ମାଣ ହେବାକୁ ଯାଉଛି।
ଡବ୍ଲୁଡବ୍ଲୁଇରେ ଦେଶକୁ ଗୌରବାନ୍ବିତ କରିଥିବା କବିତା ଦେବୀଙ୍କ ଉପରେ ଖୁବ ଶୀଘ୍ର ଏକ ବାୟୋପିକ ଚଳଚ୍ଚିତ୍ର ନିର୍ମାଣ ପାଇଁ ପ୍ରସ୍ତୁତି ଚାଲିଛି। ନିର୍ମାତା ପ୍ରୀତି ଅଗ୍ରୱାଲ ଏହି ଚଳଚ୍ଚିତ୍ର ପାଇଁ କବିତା ଦେବୀଙ୍କ ଜୀବନ ସହ ଜଡିତ ରାଇଟସକୁ କିଣିଛନ୍ତି। ସଂଗ୍ରାମରୁ ସଫଳତା ପର୍ଯ୍ୟନ୍ତ କବିତା ଦେବୀଙ୍କ ଯାତ୍ରା ଦେଖାଇବାକୁ ପ୍ରୀତି ଅଗ୍ରୱାଲ ଚେଷ୍ଟା କରିବେ।
ଭାରତୀୟ କୁସ୍ତି ଭାବରେ ପ୍ରସିଦ୍ଧ ଦି ଗ୍ରେଟ ଖଲିଙ୍କ ସହ କବିତା ଦେବୀଙ୍କର ମଧ୍ୟ ଏକ ବିଶେଷ ସମ୍ପର୍କ ରହିଛି। ଏକ ସମୟରେ ଖଲି ଡବ୍ଲୁଡବ୍ଲୁଇ ପାଇଁ କବିତା ଦେବୀଙ୍କୁ ତାଲିମ ଦେଇଥିଲେ । ଡବ୍ଲୁଡବ୍ଲୁଇ ଖେଳାଳି ହେବା ପୂର୍ବରୁ କବିତା ଦେବୀ ‘କବିତା’ ଏବଂ ‘ହାର୍ଡ କେଡି’ ନାମରେ ସ୍ବାଧୀନ ଭାବରେ କୁସ୍ତି କରୁଥିଲେ।
କବିତା ଦେବୀ ହରିୟାଣାର ଜିନ୍ଦ ଜିଲ୍ଲାର ଏକ ଛୋଟ ଗାଁ ମାଲଭିରେ ଏକ ଅତି ସରଳ ପରିବାରରେ ଜନ୍ମଗ୍ରହଣ କରିଥିଲେ। ଜିଶାନ ଅହମ୍ମଦ ପ୍ରୀତି ଅଗ୍ରୱାଲଙ୍କ ସହିତ ଏହି ବାୟୋପିକ ପ୍ରଯୋଜନା କରିବାକୁ ପ୍ରସ୍ତୁତ ହେଉଛନ୍ତି ।
କବିତା ଦେବୀଙ୍କ ବାୟୋପିକ କରିବାକୁ ନିଷ୍ପତ୍ତି ସମ୍ପର୍କରେ ପ୍ରଯୋଜିକା ପ୍ରୀତି ଅଗ୍ରୱାଲ କହିଛନ୍ତି, ‘କବିତା ଦେବୀଙ୍କ ପୁରା ଜୀବନ ଅତ୍ୟନ୍ତ ପ୍ରେରଣାଦାୟକ ଅଟେ। ଜୀବନର ପ୍ରତ୍ୟେକ ପର୍ଯ୍ୟାୟରେ, ସେ ଲଢିବାକୁ କ୍ଷମତା ଦେଖାଇଲେ ଏବଂ କେବେ ହାର ମାନି ନ ଥିଲେ। ଡବ୍ଲୁଡବ୍ଲୁଇ ସର୍ବଦା ପୁରୁଷ ଖେଳ ଭାବରେ ବିବେଚନା କରାଯାଏ । ପରେ, ବିଶ୍ୱର ବିଭିନ୍ନ ସ୍ଥାନରୁ ମହିଳାମାନେ ମଧ୍ୟ ଏହି ଖେଳରେ ଅଂଶଗ୍ରହଣ କରିବା ଆରମ୍ଭ କରିଥିଲେ, କିନ୍ତୁ ଏହି ଅତି ଲୋକପ୍ରିୟ ଖେଳରେ ଭାରତୀୟ ମହିଳାମାନଙ୍କର କୌଣସି ପ୍ରତିନିଧିତ୍ୱ ନ ଥିଲା । ଏଭଳି ପରିସ୍ଥିତିରେ କବିତା ଦେବୀ ଦର୍ଶାଇଛନ୍ତି ଯେ ଭାରତୀୟ ମହିଳାମାନେ କେତେ ଶକ୍ତି ପାଇଛନ୍ତି ଏବଂ ଡବ୍ଲୁଡବ୍ଲୁଇ ରିଙ୍ଗରେ ଡେଇଁବାକୁ ନିଷ୍ପତ୍ତି ନେଇଛନ୍ତି ଏବଂ ଭାରତ ତରଫରୁ ଅନେକ ସଫଳତା ହାସଲ କରିଛନ୍ତି। କେବଳ ଏତିକି ନୁହେଁ, ବିବାହ ପରେ କବିତା ପାରିବାରିକ ଦାୟିତ୍ୱବୋଧ ଯୋଗୁଁ ଏହି ଖେଳଠାରୁ ଦୂରରେ ରହିବାକୁ ସ୍ଥିର କଲେ, କିନ୍ତୁ ସ୍ବାମୀଙ୍କ ସମର୍ଥନ ଯୋଗୁଁ ସେ ଡବ୍ଲୁଡବ୍ଲୁଇରେ ଖେଳ ଜାରି ରଖିଥିଲେ।