ଭୁବନେଶ୍ୱର,୧୫।୯: ଦେଶର ସର୍ବପୁରାତନ ତଥା ପ୍ରମୁଖ ବନ୍ଦର ଶ୍ୟାମାପ୍ରସାଦ ମୁଖାର୍ଜୀ ବନ୍ଦର କୋଲକାତା (ଏସ୍ଏମ୍ପିକେ) ପକ୍ଷରୁ ବ୍ୟବସାୟିକ ବୃଦ୍ଧି ଓ ମିଳିତ କାରବାର ଉଦ୍ଦେଶ୍ୟରେ ବୁଧବାର ସ୍ଥାନୀୟ ଏକ ହୋଟେଲରେ ‘ମିଟ୍ ଓଡ଼ିଶା’ ନାମରେ ଏକ ବ୍ୟବସାୟିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା। ବିଶେଷ କରି ଏସ୍ଏମ୍ପିକେରେ କୋଲକାତା ଡକ୍ ସିଷ୍ଟମ (କେଡିଏସ୍) ଏବଂ ହଳଦିଆ ଡକ୍ କମ୍ପ୍ଲେକ୍ସ (ଏଚ୍ଡିସି) ର ଏକ ସୁନ୍ଦର ଏବଂ ସୁଗମ ଭୌଗୋଳିକ ପରିସୀମା ଭାରତର ପୂର୍ବାଞ୍ଚଳରେ ଅବସ୍ଥିତ ରହିଛି। ଏ ସମ୍ପର୍କରେ ଏସ୍ଏମ୍ପିକେର ଅଧ୍ୟକ୍ଷ ବିନୀତ କୁମାର କହିଛନ୍ତି, ବିଭିନ୍ନ ସୁବିଧା ସହ ଫ୍ଲୋଟିଂ କ୍ରେନ୍ ନିୟୋଜିତ କରି ସମ୍ପୂର୍ଣ୍ଣ ଭାରପ୍ରାପ୍ତ ଜାହାଜ ପରିଚାଳନା ପାଇଁ ଏସ୍ଏମ୍ପିକେ ମଧ୍ୟ ବାଣିଜ୍ୟକୁ ସୁଗମ କରୁଛି।
ଆଙ୍କୋରେଜ କାର୍ଯ୍ୟକୁ ସୁଗମ କରିବା ପାଇଁ ଉକ୍ତ ଫ୍ଲୋଟିଂ କ୍ରେନ୍ଗୁଡ଼ିକ ଏକ ବ୍ୟାରେଜ ମାଧ୍ୟମରେ ଛିଡ଼ାହୋଇ ରହିଥାଏ। ସେହିଭଳି କାର୍ଗୋ ଏଗ୍ରିଗେସନ ଏବଂ ଇଭାକୁଏସନ ସୁବିଧା ପାଇଁ ବନ୍ଦର ଭିତରେ ଅନେକ ରେଳ ସାଇଡିଂ ମଧ୍ୟ ରହିଛି। ଏହା ଜରିଆରେ ନିରବଚ୍ଛିନ୍ନ ଏବଂ ଦକ୍ଷତାର ସହ ରେକ୍ ପରିଚାଳନାକୁ ସହଜ କରିପାରିବ। କେଡିଏସ୍ର ରେଫର ଭିିତ୍ତିଭୂମି ବ୍ୟବହାର କରିବାକୁ ଆମେ ସମ୍ପୃକ୍ତ ହିତାଧିକାରୀମାନଙ୍କୁ ସ୍ବାଗତ କରୁଛୁ। ଏଥିପାଇଁ ଏସ୍ଏମ୍ପିକେ ଆବଶ୍ୟକ ସ୍ଥଳେ ବନ୍ଦର ମୂଲ୍ୟର ଉପଯୁକ୍ତ ରିହାତି ସହ ସମସ୍ତ ସମ୍ଭାବ୍ୟ ସହାୟତା ବୃଦ୍ଧି କରିବାକୁ ନିଶ୍ଚିତ କରିଥାଏ। ଏହା ସହିତ ଏସ୍ଏମ୍ପିକେ ରେଫର ପ୍ଲଗ୍-ଇନ୍ ଚାର୍ଜରେ ୧୫% ରିହାତି ପ୍ରଦାନ କରିବାକୁ ଅଫର ମଧ୍ୟ ଦେଉଛି।