କାଶୀ,୧୧।୨: ଜୀବନର ଭରପୁର ଆନନ୍ଦ ନେବା ସହିତ ସର୍ବଦା ଚଳଚଞ୍ଚଳ ରହିବା ପାଇଁ ସୁସ୍ବାସ୍ଥ୍ୟର ଆବଶ୍ୟକତା ରହିଛି। ଘରେ ବାସ୍ତୁ ଅନୁସାରେ ବିଭିନ୍ନ ସାମଗ୍ରୀ ରଖିଲେ କୌଣସି ସମସ୍ୟା ଦେଖାଯାଇ ନ ଥାଏ ବୋଲି ବାସ୍ତୁ ଶାସ୍ତ୍ରରେ ଉଲ୍ଲେଖ କରାଯାଇଛି। ଔଷଧ ରଖିବା ପାଇଁ ମଧ୍ୟ ଏଥିରେ କେତେକ ନିୟମ ପାଳନ କରିବାକୁ ପରାମର୍ଶ ଦିଆ ଯାଇଥାଏ। ଘରେ ଔଷଧ ଉତ୍ତର ଅବା ଉତ୍ତରପୂର୍ବ ଦିଗରେ ରଖିବା ଦ୍ୱାରା ଶରୀରର ସୁସ୍ଥ ହେବା ପ୍ରକ୍ରିୟା ଉପରେ ସକରାତ୍ମକ ପ୍ରଭାବ ପଡ଼ିଥାଏ। ଫଳରେ ଘରେ ବାସ କରୁଥିବା ଲୋକେ ଶୀଘ୍ର ରୋଗମୁକ୍ତ ହୋଇଥାନ୍ତି। ଅପରପକ୍ଷରେ ଦକ୍ଷିଣ ଦିଗରେ ଔଷଧ ରଖିଲେ ଘରର ସଦସ୍ୟ ଛୋଟ ମୋଟ ଶରୀରିକ ସମସ୍ୟାରେ ମଧ୍ୟ ଔଷଧ ନେବାକୁ ପସନ୍ଦ କରିଥାନ୍ତି। ବେେଳେ କେତେକ ଲୋକ ରୋଷେଇ ଘରେ ଫାଷ୍ଟ ଏଡ୍ ବକ୍ସ୍ ରଖିଥାନ୍ତି। ମାତ୍ର ଏହା ଦ୍ୱାରା ଶରୀର ଉପରେ ନକାରାତ୍ମକ ପ୍ରଭାବ ପଡ଼ିଥାଏ। ସେହିପରି ଦକ୍ଷିଣ-ପୂର୍ବ ଦିଗରେ ଔଷଧ ରଖିଲେ ଏହାର ପ୍ରଭାବ ଶରୀର ଉପରେ କମ୍ ପଡ଼ିଥାଏ। ଫଳରେ ରୋଗମୁକ୍ତ ହେବାକୁ ଅଧିକ ସମୟ ଲାଗିଥାଏ ବୋଲି ବାସ୍ତୁ ଶାସ୍ତ୍ରରେ କୁହାଯାଇଛି।