ସ୍ଥାନର ଅଭାବ ଯୋଗୁ କିଛି ଲୋକ ଶିଡ଼ି ତଳେ ଥିବା ଖାଲି ସ୍ଥାନକୁ ଜିନିଷ ରଖିବା ପାଇଁ ବ୍ୟବହାର କରିଥାନ୍ତି ତ ଆଉ କିଛି ଲୋକ ଏଠାରେ ଛୋଟ ଗାଧୁଆଘର ହେଉ କି ରୋଷେଇ ଘର ଆଦି ତିଆରି କରିଦେଇଥାନ୍ତି। ହେଲେ ବାସ୍ତୁଶାସ୍ତ୍ର ଅନୁଯାୟୀ, ଏପରି କରିବା ଠିକ୍ ନୁହେଁ। କାହିଁକି ଜାଣନ୍ତୁ ସେ ସମ୍ପର୍କରେ…
* ସ୍ଥାନ ଅଭାବ ଯୋଗୁ କେହି କେହି ଶିଡ଼ି ତଳେ ଛୋଟ ଠାକୁର ଘର ବି କରି ଦେଇଥାନ୍ତି। କିନ୍ତୁ ଏପରି କରିବା ଆଦୌ ଶୁଭଙ୍କର ନୁହେଁ। ଏହା ଘରର ଐଶ୍ୱର୍ଯ୍ୟ ବୃଦ୍ଧିରେ ବାଧା ସୃଷ୍ଟି କରିଥାଏ ବୋଲି ବିଶ୍ୱାସ କରାଯାଏ।
* ରୋଷେଇ ଘର ବି ଶିଡ଼ି ତଳେ ତିଆରି କରିବା ଉଚିତ୍ ନୁହେଁ; ଏହା ଘରର ଆର୍ଥିକ ସ୍ଥିତିକୁ ବିଗାଡ଼ିଥାଏ।
* ଅନ୍ୟପକ୍ଷେ ଗାଧୁଆଘର କି ଶୌଚାଳୟ ମଧ୍ୟ ଶିଡ଼ି ତଳେ ତିଆରି କରିବା ଆଦୌ ଶୁଭଲକ୍ଷଣ ନୁହେଁ। ଏହା ଘରର ଆର୍ଥିକାବସ୍ଥାକୁ ଦୁର୍ବଳ କରିବା ସହ ପରିବାରରେ ଅଶାନ୍ତିର ବାତାବରଣ ସୃଷ୍ଟି କରିଥାଏ ବୋଲି ବିଶ୍ୱାସ ରହିଛି।
* ଶିଡ଼ି ତଳେ ଡଷ୍ଟବିନ୍ ରଖିବା ବି ଠିକ୍ ନୁହେଁ, ଏହା ଘରେ କଳହ ଓ ଅଶାନ୍ତିର ପରିବେଶ ସୃଷ୍ଟି କରିଥାଏ।
* ଜୋତା ଷ୍ଟାଣ୍ଡକୁ ବି ଶିଡ଼ି ତଳେ ରଖିବେ ନାହିଁ। କୁହାଯାଏ, ଏହା କୁଆଡ଼େ ଘରେ ବାସ୍ତୁଦୋଷ ସୃଷ୍ଟି କରେ।