ଆଯୋଧ୍ୟା,୨୬।୧୦: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି (ଏଏପି) ସଭାପତି ଅରବିନ୍ଦ କେଜ୍ରିଓ୍ବାଲ୍ ଅଯୋଧ୍ୟା ଗସ୍ତରେ ଅଛନ୍ତି। କେଜ୍ରିଓ୍ବାଲ୍ ମଙ୍ଗଳବାର ସକାଳେ ହନୁମାନଗଢି ଏବଂ ରାମଲାଲା ପରିଦର୍ଶନ କରିଥିଲେ। ଦର୍ଶନ ପରେ କେଜ୍ରିଓ୍ବାଲ୍ ମଧ୍ୟ ଏକ ବଡ ଘୋଷଣା କରି କହିଥିଲେ, ଯଦି ୟୁପିରେ ଆମ ସରକାର ଗଠନ ହୁଏ, ତେବେ ରାଜ୍ୟର ସମସ୍ତ ଲୋକ ଅଯୋଧ୍ୟାରେ ରାମଲଲାଙ୍କ ମାଗଣା ଦର୍ଶନ ପାଇବେ।
କେଜ୍ରିଓ୍ବାଲ୍ କହିଛନ୍ତି, ଆଜି ମୁଁ ଭଗବାନଙ୍କୁ ଦେଖିବାର ସୌଭାଗ୍ୟ ପାଇଛି ଏବଂ ମୁଁ ଚାହୁଁଛି ପ୍ରତ୍ୟେକ ଭାରତୀୟ ଏହି ଭାଗ୍ୟ ପ୍ରାପ୍ତ କରନ୍ତୁ। ଆମେ ଦୁଇଟି କାମ କରିବାକୁ ଯାଉଛୁ। ପ୍ରଥମେ ଆମେ ଦିଲ୍ଲୀ ଭିତରେ ମୁଖମନ୍ତ୍ରୀ ତୀଥେ ଯୋଜନା ଚଳାଉଛୁ। ଏହା ଅଧୀନରେ ଲୋକମାନଙ୍କ ପାଇଁ ମାଗଣା ତୀର୍ଥଯାତ୍ରା କରାଯାଏ। ଆସନ୍ତାକାଲି ସକାଳେ ଦିଲ୍ଲୀ କ୍ୟାବିନେଟର ଏକ ସ୍ବତନ୍ତ୍ର ବୈଠକ ଡକାଯାଇଛି। ଏହି ବୈଠକରେ ଆମେ ଅଯୋଧ୍ୟାକୁ ମଧ୍ୟ ମୁଖ୍ୟମନ୍ତ୍ରୀଙ୍କ ତୀର୍ଥ ଯୋଜନାରେ ଅନ୍ତର୍ଭୁକ୍ତ କରିବୁ। ଏବେ ଦିଲ୍ଲୀର ଲୋକମାନେ ମଧ୍ୟ ରାମ ଜନ୍ମଭୂମିର ମାଗଣା ଦର୍ଶନ ପାଇବେ। ଏଥି ସହିତ, ଯଦି ଆମ ସରକାର ୟୁପିରେ ଗଠନ ହୁଏ, ତେବେ ଆମେ ଅଯୋଧ୍ୟାରେ ରାଜ୍ୟର ସମସ୍ତ ଲୋକଙ୍କୁ ରାମଲାଲାଙ୍କ ମାଗଣା ଦର୍ଶନ ପ୍ରଦାନ କରିବୁ ବୋଲି ସେ କହିଛନ୍ତି।