ନୂଆଦିଲ୍ଲୀ,୨୭ା୩: ମଦ ଦୁର୍ନୀତି ମାମଲାରେ ଗିରଫ ହୋଇଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ଜାମିନ ଦେବାକୁ ବୁଧବାର ହାଇକୋର୍ଟ ମନା କରି ଦେଇଛନ୍ତି। ଏହି ଆବେଦନକୁ ପ୍ରତ୍ୟାଖ୍ୟାନ କରି କୋର୍ଟ କହିଛନ୍ତି, ହେପାଜତ ସମୟରେ ଇଡି ହୁଏତ କିଛି ତଥ୍ୟ ସଂଗ୍ରହ କରିଥାଇପାରେ, ଯାହା ଶୁଣାଣି ସମୟରେ କୋର୍ଟରେ ଉପସ୍ଥାପନ କରିବାକୁ ଚାହିଁପାରେ। ଏହି ଆବେଦନ ପାଇଁ ମଧ୍ୟ ଏହି ତଥ୍ୟଗୁଡିକ ଗୁରୁତ୍ୱପୂର୍ଣ୍ଣ ହେବ। ଇଡିଠାରୁ ନ ଶୁଣି ଆମେ ଏହା ଉପରେ ନିଷ୍ପତ୍ତି ନେଇ ପାରିବୁ ନାହିଁ। ମାମଲାର ପରବର୍ତ୍ତୀ ଶୁଣାଣି ଏପ୍ରିଲ ୩ରେ ହେବ। ସକାଳେ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଏବଂ ଇଡିଙ୍କ ଯୁକ୍ତି ଶୁଣିବା ପରେ ହାଇକୋର୍ଟ ଏହାର ଆଦେଶ ସଂରକ୍ଷିତ ରଖିଥିଲେ।
ଇଡି ତରଫରୁ ହାଜର ହୋଇଥିବା ଏଏସ୍ଜେ ରାଜୁ ମୁଖ୍ୟମନ୍ତ୍ରୀଙ୍କୁ ଜାମିନ ଦେବାକୁ ବିରୋଧ କରିଥିଲେ। ସେ ମଧ୍ୟ ମୁଖ୍ୟମନ୍ତ୍ରୀଙ୍କ ପକ୍ଷରୁ ହାଜର ହେବାକୁ ଓକିଲଙ୍କ ସେନାକୁ ବିରୋଧ କରିଥିଲେ। ଇଡି କହିଛି ଯେ, ଗୋଆ ନିର୍ବାଚନକୁ ପାଣ୍ଠି ଦେବା ପାଇଁ କେଜ୍ରିଓ୍ବାଲ ମଦ ନୀତି ସାହାଯ୍ୟରେ ଦକ୍ଷିଣ ଗ୍ରୁପକୁ ଉପକୃତ କରିଛନ୍ତି। ଏହାର ପ୍ରତିବଦଳରେ ଗୋଆ ନିର୍ବାଚନରେ ତାଙ୍କୁ ବହୁ ଅର୍ଥ ମିଳିଥିଲା। ବରିଷ୍ଠ ଓକିଲ ଅଭିଷେକ ମନୁ ସିଂଭୀ, ମୁଖ୍ୟମନ୍ତ୍ରୀଙ୍କ ପକ୍ଷରୁ ହାଜର ହୋଇକୋର୍ଟରେ କହିଛନ୍ତି ଯେ, ଏହା ହୋଇପାରିବ ନାହିଁ; କିଛି ଦିନ ତୁମେ କହିବ ଆମେ ଆପଣଙ୍କୁ ଗିରଫ କରିବାକୁ ଚାହୁଁଛୁ, କାରଣ ଆମର ଗିରଫ କରିବାର ଅଧିକାର ଅଛି। ତେଣୁ ଗିରଫ କରିବାର ଇଚ୍ଛା ପୂରଣ କରିବାକୁ ଆମେ ଗିରଫ କରୁଛୁ ।