ନୂଆଦିଲ୍ଲୀ,୨।୬:ସୁପ୍ରିମକୋର୍ଟଙ୍କ ମଧ୍ୟବର୍ତ୍ତୀକାଳୀନ ଜାମିନ ପାଇବା ପରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ରବିବାର ତିହାର ଜେଲରେ ଆତ୍ମସମର୍ପଣ କରିବେ। ଶନିବାର ଟ୍ରାଏଲ କୋର୍ଟରେ ସ୍ବତନ୍ତ୍ର ଜଜ କାଭେରୀ ବାୱେଜା ତାଙ୍କ ମଧ୍ୟବର୍ତ୍ତୀକାଳୀନ ଜାମିନରେ ଏହି ନିଷ୍ପତ୍ତି ସଂରକ୍ଷଣ କରିଛନ୍ତି ଏବଂ ଶୁଣାଣି ପାଇଁ ଜୁନ ୫ ତାରିଖ ସ୍ଥିର କରିଛନ୍ତି।
ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଭାରତ ମାତା କି ଜୟ ସହ ତାଙ୍କର ଭାଷଣ ଆରମ୍ଭ କରିଥିଲେ। ସର୍ବପ୍ରଥମେ, ନିର୍ବାଚନ ପ୍ରଚାର ପାଇଁ ତାଙ୍କୁ ଦିଆଯାଇଥିବା ମଧ୍ୟବର୍ତ୍ତୀକାଳୀନ ଜାମିନ ପାଇଁ ସେ ସୁପ୍ରିମକୋର୍ଟଙ୍କୁ ଧନ୍ୟବାଦ ଜଣାଇଛନ୍ତି। କେଜରିୱାଲ କହିଛନ୍ତି ଯେ ଏହି ୨୧ ଦିନ ମୋ ପାଇଁ ଅବିସ୍ମରଣୀୟ। ଏହି ୨୧ ଦିନରେ ମୁଁ ଗୋଟିଏ ମିନିଟ ମଧ୍ୟ ନଷ୍ଟ କରି ନାହିଁ। ଦେଶକୁ ବଞ୍ଚାଇବା ପାଇଁ ମୁଁ ସାରା ଦେଶରେ ପ୍ରଚାର କରିଥିଲି।
ସୂଚନାଯୋଗ୍ୟ, ମଧ୍ୟବର୍ତ୍ତୀକାଳୀନ ଜାମିନ ଶେଷ ହେବା ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ରବିବାର ତିହାର ଜେଲରେ ଆତ୍ମସମର୍ପଣ କରିବାକୁ ଯାଉଛନ୍ତି। ତାଙ୍କ ବାସଭବନ ଛାଡିବା ପରେ ସେ ରାଜଘାଟରେ ପହଞ୍ଚିଥିଲେ। ଏହା ପରେ ହନୁମାନ ମନ୍ଦିରରେ ପହଞ୍ଚିଥିଲେ। ଏବେ ସେ ପାର୍ଟି ଅଫିସରେ ପାର୍ଟି କର୍ମୀଙ୍କୁ ସମ୍ବୋଧିତ କରିବେ। ଏହା ପରେ ସେ ତିହାରକୁ ଯିବେ। ଅରବିନ୍ଦ କେଜରିୱାଲଙ୍କ କନଭେନ ଜେଲକୁ ଯିବ। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଆତ୍ମସମର୍ପଣ ସମ୍ପର୍କରେ ଦିଲ୍ଲୀ ମନ୍ତ୍ରୀ ଆତିିଶୀ କହିଛନ୍ତି ଯେ କେଜରିଓ୍ବାଲଙ୍କୁ ୨୧ ଦିନର ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିବାରୁ ଆମେ ସୁପ୍ରିମକୋର୍ଟଙ୍କୁ କୃତଜ୍ଞତା ଜଣାଉଛୁ। ସେ ବାହାରକୁ ଆସି ଦଳ ପାଇଁ ପ୍ରଚାର କରିଥିଲେ ଏବଂ ଗଣତାନ୍ତ୍ରିକ ପ୍ରକ୍ରିୟାରେ ସହଯୋଗ କରିଥିଲେ। ଆମେ ସୁପ୍ରିମକୋର୍ଟଙ୍କୁ ସମ୍ମାନ ଦେଉଛୁ। ଆମ ଆଦମୀ ପାର୍ଟିର କୌଣସି ନେତା ଜେଲ ଯିବାକୁ ଭୟ କରନ୍ତି ନାହିଁ। କେଜରିୱାଲଙ୍କ ଅବସ୍ଥା ଭଲ ନଥିଲେ ମଧ୍ୟ ସେ ଜେଲ ଯାଉଛନ୍ତି।