ନୂଆଦିଲ୍ଲୀ,୩୧।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦୁର୍ନୀତିଗ୍ରସ୍ତଙ୍କର ଜଣେ ବଡ଼ ନେତା। ଖୁବ ଶୀଘ୍ର ଜେଲ ଯିବେ। ଭଗବାନ ଶ୍ରୀରାମ ସର୍ବଦା ନ୍ୟାୟ କରନ୍ତି ବୋଲି ରାମ ନବମୀ ଅବସରରେ ଆୟୋଜିତ କାର୍ଯ୍ୟକ୍ରମରେ ଭାଜପା ଏମ୍ପି ମନୋଜ ତିଓ୍ବାରୀ କହିଛନ୍ତି। ସେ କହିଛନ୍ତି,କେଜ୍ରିୱାଲଙ୍କର ନିକଟତମ ଦୁଇଜଣ ଜେଲରେ ଅଛନ୍ତି। ସେ ମଧ୍ୟ ଖୁବ୍ଶୀଘ୍ର ଜେଲ୍ ଯିବେ। ଦେଶରେ ସାମ୍ପ୍ରତିକ ଗଣତନ୍ତ୍ରରେ ଦୁର୍ନୀତି ବିରୋଧରେ ଶୂନ୍ୟ ସହନଶୀଳତା ରହିଛି, ଏଭଳି ପରିସ୍ଥିତିରେ ଅପରାଧୀ ଦୀର୍ଘ ସମୟ ଧରି ଖସିଯିବା ସମ୍ଭବ ନୁହେଁ।
ମନୋଜ ମଧ୍ୟ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାଗେର୍ଟ କହିଛନ୍ତି। ସେ କହିଛନ୍ତି, ରାହୁଲଙ୍କ ଅହଂକାର ରହିଛି। ଏହା ପୂର୍ବରୁ ମଧ୍ୟ ଅନେକ ନେତାଙ୍କ ସଦସ୍ୟତା ରଦ୍ଦ ହୋଇଛି। ୨୦୧୯ରେ ଯେତେବେଳେ କଂଗ୍ରେସ ସରକାର ମଧ୍ୟପ୍ରଦେଶରେ ଥିଲା, ସେତେବେଳେ ପ୍ରହ୍ଲାଦ ଲୋଧିଙ୍କୁ କୋର୍ଟ ଦୁଇ ବର୍ଷ ଦଣ୍ଡିତ କରିଥିଲେ। ଭାଜପା କାହାକୁ ଦାୟୀ କରି ନାହିଁ। ଏସବୁ କଂଗ୍ରେସ ଭୁଲିଯିବା ଉଚିତ୍ ନୁହେଁ। ଓବିସି ସମ୍ପ୍ରଦାୟର ଅପବ୍ୟବହାର ତୁମର ଜନ୍ମ ଅଧିକାର, ତେବେ ରାହୁଲ ଉପର ଅଦାଲତ ଯାଆନ୍ତୁ।