ନୂଆଦିଲ୍ଲୀ,୭।୧୨ : ଦିଲ୍ଲୀର ମ୍ୟୁନିସିପାଲିଟି କର୍ପୋରେଶନ (ଏମସିଡି) ନିର୍ବାଚନରେ ୨୫୦ ଟି ଆସନ ପାଇଁ ଭାଜପା ଏବଂ ଆମ ଆଦମୀ ପାର୍ଟି ମଧ୍ୟରେ ପ୍ରତିଦ୍ୱନ୍ଦ୍ୱିତା ଜାରି ରହିଛି। ଏଏପି ଭାଜପାକୁ ୧୫ ବର୍ଷର କ୍ଷମତାରୁ ହଟାଇଛି।
ଏମସିଡିରେ ମେୟର ହେବାକୁ ୧୨୬ଟି ଆସନର ଅଧିକାଂଶ ଆବଶ୍ୟକ। ଆମ ଆଦମୀ ପାର୍ଟି ବର୍ତ୍ତମାନ୧୩୦ ଟି ସିଟ ପାଇଥିବା ଜଣାପଡିଛି। ଏଥିସହିତ ୧୦୫ ଟି ସିଟ ବିଜେପି ଆକାଉଣ୍ଟକୁ ଯାଉଛି। କଂଗ୍ରେସ ୧୧ ଟି ଆସନ ପାଇଛି ଏବଂ ଅନ୍ୟମାନେ ୫ ଟି ଆସନ ପାଇଛନ୍ତି।
କିନ୍ତୁ ଏମସିଡିର ଯୁଦ୍ଧ କେବଳ ଏହା ସହିତ ସମାପ୍ତ ହୋଇନାହିଁ। ବିଜୟ ପରେ ଏଏପି ମେୟର ପାଇଁ କେଜରିଓ୍ବାଲଙ୍କୁ ପର୍ଦ୍ଦାପଛରେ ଖେଳ ଖେଳିବାକୁ ପଡିବ ବୋଲି ରାଜନୈତିକ ସମୀକ୍ଷକ ମତପୋଷଣ କରିଛନ୍ତି॥
ତେବେ ଏମସିଡିରେ ସରକାର ଗଠନ କରିବା ନେଇ ଏଏପି ପାଇଁ ଏକ ଆହ୍ବାନ ହୋଇପାରେ। ଏହାର ମୁଖ୍ୟ କାରଣ ହେଉଛି କାଉନସିଲରମାନଙ୍କ ପାଇଁ ଦଳବଦଳ ନିୟମ ପ୍ରଯୁଜ୍ୟ ନୁହେଁ। ଫଳରେ ଭାଜପା ପରଦା ପଛର ରାଜନୀତି ମାଧ୍ୟମରେ ସରକାର ଗଠନ କରିବାର ହୁଏତ ଉଦ୍ୟମ କରିପାରେ। ଏମସିଡିର ଦୁର୍ଗ ବଜାୟ ରଖିବା ପାଇଁ କାଉନସିଲରମାନଙ୍କୁ ସେମାନଙ୍କ କୋର୍ଟରେ ଏକତ୍ର କରିବାକୁ ଭାଜପା ଉଦ୍ୟମ କରିବା ସ୍ବାଭାବିକ।
ଗୋଆ, ମଧ୍ୟପ୍ରଦେଶ ଏବଂ ମହାରାଷ୍ଟ୍ରରେ ଭାଜପା ଅନ୍ୟ ଦଳର ବିଧାୟକଙ୍କ ସହଜରେ ନଜ ପଟକୁ ଆଣି ପାରିଥିଲା। ଗୋଆ ଏବଂ ମଧ୍ୟପ୍ରଦେଶରେ ସର୍ବ ବୃହତ ଦଳ ହେବା ପରେ ମଧ୍ୟ କଂଗ୍ରେସ ସରକାରରେ ନାହିଁ।
ଏହି ମର୍ମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ନିଜ କାଉନସିଲରଙ୍କୁ ଏକତ୍ର କରିବା ପାଇଁ ଯୋଜନାବଦ୍ଧ ଭାବେ ରଣନୀତି ଆପଣେଇବା ଜରୁରୀ ହୋଇ ପଡ଼ିବ।