ନୂଆଦିଲ୍ଲୀ,୮।୧୧ : ଆମ ଆଦମୀ ପାର୍ଟିର ଜାତୀୟ ସଂଯୋଜକ ତଥା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ଟୁଇଟ କରି ଭାଜପାକୁ କଡ଼ା ସମାଲୋଚନା କରିଛନ୍ତି। ଭାଜପା ତାଙ୍କୁ ବିରୋଧରେ ଷଡଯନ୍ତ୍ର କରିଥିବା ନେଇ ସେ ଅଭିଯୋଗ କରିଛନ୍ତି।
ମଙ୍ଗଳବାର ଟୁଇଟ କରି ଲେଖିଛନ୍ତି ପଞ୍ଜାବରେ ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ କେଜରିଓ୍ବାଲ ଜଣେ ଆତଙ୍କବାଦୀ। ସ୍ବରାଷ୍ଟ୍ର ମନ୍ତ୍ରଣାଳୟ (ଏଚଏମ) ଏକ ତଦନ୍ତ ବ୍ୟବସ୍ଥା କରିଥିଲେ, ତାହାର ଫଳାଫଳ କଣ ହେଲା? ବର୍ତ୍ତମାନ ଗୁଜରାଟ ଏବଂ ଦିଲ୍ଲୀରେ ହେବାକୁ ଥିବା ଏମସିଡି ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ କହୁଛନ୍ତି ଦୁର୍ନୀତିଗ୍ରସ୍ତ।
ଆରେ କେଜରିଓ୍ବାଲ ଆତଙ୍କବାଦୀ ଅବା ଦୁର୍ନୀତିଗ୍ରସ୍ତ ଯଦି ପ୍ରମାଣ ଅଛି ତେବେ ଗିରଫ କର? କେଜରିଓ୍ବାଲ ଆତଙ୍କବାଦୀ କିମ୍ବା ଦୁର୍ନୀତିଗ୍ରସ୍ତ ନୁହଁନ୍ତି। କେଜରିଓ୍ବାଲ ଲୋକଙ୍କର ପ୍ରିୟ। ଏହା ଭାଜପାକୁ କଷ୍ଟ ଦେଉଛି। ତେଣୁ ପ୍ରଧାନମନ୍ତ୍ରୀ ଏଭଳି କହିବା ଜାରି ରଖିଛନ୍ତି। ଭାଜପାର ଅନ୍ୟ ନେତା ମଧ୍ୟ ବିଭିନ୍ନ ମିଥ୍ୟା ଅଭିଯୋଗ
କରୁଛନ୍ତି। ଏହା ସମ୍ପୂର୍ଣ୍ଣ ନିନ୍ଦାଜନକ ବୋଲି ସେ କହିଛନ୍ତି।
ସୂଚନାଯୋଗ୍ୟ, ଆମ ଆଦମୀ ପାର୍ଟି ଗୁଜରାଟ ବିଧାନସଭା ନିର୍ବାଚନରେ ଭାଜପାର ମୁଖ୍ୟ ପ୍ରତିଦ୍ୱନ୍ଦ୍ୱୀ ଭାବରେ ନିଜକୁ ପ୍ରୋଜେକ୍ଟ କରୁଛି। ଏଥି ସହିତ କେଜରିଓ୍ବାଲ ଭାଜପାକୁ ଟାର୍ଗେଟ କରିବାର ଗୋଟିଏ ବି ସୁଯୋଗ ମଧ୍ୟ ଛାଡୁ ନାହାଁନ୍ତି।