କୋଚି,୨୦ ।୧୧: ବ୍ୟକ୍ତିଗତ ଆଇନ ଭଳି ମୁସଲମାନଙ୍କ ବିବାହକୁ ପୋକ୍ସୋ ଅଧିନିୟମ ବାହାରେ ବୋଲି ଦେଖାଯାଇ ପାରିବ ନାହିଁ, ଏହା କହିଛନ୍ତି କେରଳ ହାଇକୋର୍ଟ । ବିଚାରପତି ବେଚୁ କୁରିୟନ ଥମସ କହିଛନ୍ତି, ଯଦି ବିବାହରେ ଗୋଟିଏ ପକ୍ଷ ନାବାଳିକ ହାଇଥିବେ ତେବେ ବିବାହର ବୈଧତା ଥାଇ ବି ପୋକ୍ସୋ ଅଧିନିୟମ ଅନୁଯାୟୀ ଅପରାଧ ଲାଗୁ କରାଯିବ । ବିଚାରପତି ବେଚୁ କୁରିୟନ ଥମସଙ୍କ ଏକକ ଖଣ୍ଡପୀଠ କହିଛନ୍ତି ପୋକ୍ସୋ ଅଧିନିୟମ ବିଶେଷ ଭାବେ ଯୌନ ଅପରାଧରୁ ଶିଶୁଙ୍କୁ ସୁରକ୍ଷା ଦେବାକୁ ଆସିଥିବା ଏକ ବିଶେଷ ଆଇନ । ଏହା ଶିଶୁଙ୍କ ବିରୋଧରେ ସବୁ ପ୍ରକାରର ଯୌନ ଶୋଷଣକୁ ଅପରାଧ ବୋଲି ଧରାଯାଇଥାଏ । ବିବାହକୁ ଏହାଠାରୁ ଅଲଗା କରାଯାଇ ପାରିବ ନାହିଁ ।
କୋର୍ଟ ଏହି ନିର୍ଦ୍ଦେଶ ନାବାଳିକା କନ୍ୟାକୁ ଅପହରଣ ଓ ବଳାତ୍କାର କରିଥିବା ଅଭିଯୁକ୍ତ ୩୧ ବର୍ଷୀୟ ମୁସଲମାନ ବ୍ୟକ୍ତିଙ୍କ ଜାମିନ ଆବେଦନ ଖାରଜ କରିବା ସମୟରେ କହିଛନ୍ତି । ଅଭିଯୁକ୍ତଙ୍କର ଯୁକ୍ତି ଥିଲା କି ସେ ମାର୍ଚ୍ଚ ୨୦୨୧ରେ ଉକ୍ତ କନ୍ୟା ଉପରେ ଲାଗୁ ବ୍ୟକ୍ତିଗତ ଆଇନ ଅନୁଯାୟୀ ତାଙ୍କୁ ଆଇନଗତ ବିବାହ କରିଥିଲେ । କୋର୍ଟ କହିଥିଲେ ବାଲ୍ୟ ବିବାହକୁ ମାନବାଧିକାରର ଉଲ୍ଲଂଘନ କୁହାଯାଇଥାଏ । ବାଲ୍ୟ ବିବାହ ଶିଶୁଙ୍କ ସମ୍ପୂର୍ଣ୍ଣ କ୍ଷମତାର ବିକାଶ ସହ ସାଲିସ କରିଥାଏ । ଏହା ସମାଜ ପାଇଁ ଅଭିଶାପ ।