ଥିରୁଭାନନ୍ତପୁରମ୍,୨୨।୭: କିଛି ଲୋକ ପୃଥିବୀକୁ ଅନ୍ୟକୁ ସହାୟତା ଦେବାକୁ ଆସିଥାନ୍ତି। ସେମିତି ଜଣେ ଯୁବକ ଥିଲେ ଅନୁଜିଥ୍। ୨୭ ବର୍ଷୀୟ ଏହି ଯୁବକ ଜଣଙ୍କ ନିଜ ସ୍ବଳ୍ପ ଜୀବନକାଳ ମଧ୍ୟରେ ଶହ ଶହ ଲୋକଙ୍କ ଜୀବନ ବଞ୍ଚାଇଥିଲେ। ମୃତ୍ୟୁ ପରେ ମଧ୍ୟ ୮ ଜଣଙ୍କୁ ନୂଆ ଜୀବନ ଦେଇଯାଇଛନ୍ତି। ଅନୁଜିଥ୍ ୧୦ ବର୍ଷ ପୂର୍ବେ ଏକ ରେଳ ଦୁର୍ଘଟଣାରେ ଶହ ଶହ ଲୋକଙ୍କ ଜୀବନ ବଞ୍ଚାଇବାରେ ସମର୍ଥ ହୋଇଥିଲେ। କିଛି ଦିନ ପୂର୍ବରୁ କୋଟ୍ଟାରକାରରେ ଏକ ବାଇକ୍ ଦୁର୍ଘଟଣାରେ ସେ ମୃତ୍ୟୁବରଣ କରିଥିଲେ। ମୃତ୍ୟୁ ପରେ ତାଙ୍କ ଅଙ୍ଗଗୁଡିକ ୮ ଜଣ ଲୋକଙ୍କୁ ନୂଆ ଜୀବନ ଦେଇଥିଲା। ସୂଚନାଯୋଗ୍ୟ, ଜୁଲାଇ ୧୪ରେ କୋଟ୍ଟାରକାର ନିକଟରେ ଅନୁଜିଥ୍ଙ୍କ ବାଇକ୍ ଦୁର୍ଘଟଣା ଘଟିଥିଲା। ତାଙ୍କୁ ତୁରନ୍ତ ଥିରୁଭାନନ୍ତପୁରମ୍ରେ ଥିବା କିମ୍ସ ହସ୍ପିଟାଲରେ ଭର୍ତ୍ତି କରିଥିଲେ। ସ୍ବାସ୍ଥ୍ୟବସ୍ଥା ଅଧିକ ଖରାପ ହେବାରୁ ତାଙ୍କୁ ବ୍ରେନ୍ ଡ୍ରେଡ୍ ହୋଇଯାଇଥିଲା। ଅନୁଜିଥ୍ ନିଜ ଅଙ୍ଗ ଦାନ କରିବାକୁ ଚାହୁଁଥିତ୍ଲେ। ସ୍ତ୍ରୀ ପ୍ରିସି ଏବଂ ଭଉଣୀ ଅଜାଲ୍ୟା ଏକ ସ୍ବେଚ୍ଛାସେବୀ ସଂସ୍ଥା ସହ ଯୋଗାଯୋଗ କରିଥିଲେ। ପରେ ଅନୁଜିଥ୍ଙ୍କ ହୃଦୟ ଜଣେ ୫୫ ବର୍ଷୀୟ ବ୍ୟକ୍ତିଙ୍କ ଶରୀରରେ ପ୍ରତ୍ୟାରୋପଣ କରାଯାଇଥିଲା।
