କୋଝିକୋଡ୍, ୩ା୪: କେରଳର କୋଝିକୋଡ୍ ଜିଲାରେ ଏକ ଏକ୍ସପ୍ରେସ୍ ଟ୍ରେନ୍ର ଯାତ୍ରୀଙ୍କୁ ଜଣେ ବ୍ୟକ୍ତି ନିଆଁ ଲଗାଇଦେଇଥିଲେ। ରବିବାର ରାତି ୯ଟା ୪୫ରେ ଏହି ମର୍ମନ୍ତୁଦ ଘଟଣା ଘଟିଥିବା ବେଳେ ଏଥିରେ ୩ ଜଣଙ୍କ ମୃତ୍ୟୁ ହେବା ସହ ଅନ୍ୟ ୮ଯାତ୍ରୀ ଆହତ ହୋଇଛନ୍ତି। ଆହତମାନଙ୍କୁ କୋଝିକୋଡ୍ ମେଡିକାଲ କଲେଜ ସମେତ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି। ମୃତଦେହଗୁଡ଼ିକ ଏଲାଥୁର ଷ୍ଟେଶନ ଏବଂ କୋରାପୁଝା ବ୍ରିଜ୍ ମଧ୍ୟରେ ରେଳ ଟ୍ରାକ୍ରୁ ଉଦ୍ଧାର ହୋଇଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ସେଠାରୁ ଏକ ସନ୍ଦିଗ୍ଧ ବ୍ୟାଗ ଜବତ କରିଛି। କେରଳ ମୁଖ୍ୟମନ୍ତ୍ରୀ ପିନାରାୟୀ ବିଜୟନ ଏହି ଘଟଣାରେ ଦୁଃଖ ପ୍ରକାଶ କରିବା ସହ ତଦନ୍ତ ପାଇଁ ସ୍ବତନ୍ତ୍ର ତଦନ୍ତକାରୀ ଟିମ୍ (ଏସ୍ଆଇଟି) ଗଠନ କରିଛନ୍ତି। ଏସ୍ଆଇଟି ଟିମ୍ ଗଠନ କରାଯାଇ ଆତଙ୍କବାଦୀ ଦିଗକୁ ନେଇ ପୋଲିସ ଦଦନ୍ତ କରୁଛି। ଏଥିସହ ଜଣେ ଅଭିଯୁକ୍ତଙ୍କ ସ୍କେଚ୍ ଜାରି କର ପୋଲିସ ସିସିଟିଭି ଯାଞ୍ଚ କରୁଛି। ଏହି ସିସିଟିଭି ଫୁଟେଜ୍ରେ ଅଭିଯୁକ୍ତଙ୍କ ଜଣକ ନଜର ଆସିଛନ୍ତି। ଏଥିରେ ଜଣେ ବ୍ୟକ୍ତି ଫୋନରେ କଥା ହେଉଥିବା ବେଳେ ଅନ୍ୟଜଣକ ବାଇ୍୍ରେ ବସି ଫେରାର ହେଉଯାଉଥିବାର ଦେଖିବାକୁ ମିଳିଛି। ଅନ୍ୟପଟେ କେରଳ ପ୍ରଦେଶ କମିଟି (କେପିସିସି) ମୁଖ୍ୟ ତଥା କନ୍ନୁର ଏମ୍ପି କେ. ସୁଧାକରନ କେନ୍ଦ୍ର ରେଳମନ୍ତ୍ରୀ ଅଶ୍ୱୀନ ବୈଷ୍ଣବଙ୍କୁ ଚିଠି ଲେଖି ଏହି ଘଟଣାରେ ହସ୍ତକ୍ଷେପ କରିବାକୁ ନିବେଦନ କରିଛନ୍ତି। ଏଥିସହ ଟ୍ରେନ୍ରେ ନିଆଁ ଲାଗିଥିବା ପୀଡ଼ିତଙ୍କୁ କ୍ଷତିପୂରଣ ଦେବାକୁ ସେ ଦାବି କରିଛନ୍ତି।