ହାଇଦ୍ରାବାଦ, ୨୭।୮ : ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ତେଲେଙ୍ଗାନା ଗସ୍ତରେ ଅଛନ୍ତି। ଡ୍ସେ ଶନିବାର ଓ୍ବାରଙ୍ଗଲସ୍ଥିତ ଭଦ୍ରକାଳୀ ମନ୍ଦିରରେ ପୂଜାର୍ଚ୍ଚନା କରିଥିଲେ। ଏହା ପରେ ୱାରଙ୍ଗଲରେ ଏକ ରାଲିକୁ ସମ୍ବୋଧିତ କରିବାବେଳେ କହିଥିଲେ ଯେ ଆଗାମୀ ଦିନରେ ଯେତେବେଳେ ଲୋକମାନେ ଭାଜପା ସରକାର ଚୟନ କରିବେ, ଆମେ ମୁକ୍ତି ଦିବସ ପାଳନ କରିବୁ।
ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ (କେସିଆର) କଲ୍ୟାଣ ନୀତିରେ ବାଧା ସୃଷ୍ଟି କରୁଛନ୍ତି ଯାହା କେନ୍ଦ୍ର କାର୍ଯ୍ୟକାରୀ କରିବାକୁ ଚାହୁଁଛି। କେସିଆର୍ ସରକାର ଦୁର୍ନୀତିଗ୍ରସ୍ତ। ଏହିପରି ଦୁର୍ନୀତିଗ୍ରସ୍ତ ତଥା ଏକଛତ୍ରବାଦୀ ଶାସନକୁ କ୍ଷମତାଚ୍ୟୁତ କରିବା ଜରୁରୀ ବୋଲି ସେ କହିଛନ୍ତି।
ସେ କହିଛନ୍ତି ଯେ ଏଠାରେ ଥିବା କେସିଆର ସରକାର ମୋର ରାଲି କରିବାକୁ ଅନୁମତି ଦେବାକୁ ମଧ୍ୟ ଚାହୁଁନାହାଁନ୍ତି। ଏହି ସମାବେଶ ପାଇଁ କୋର୍ଟଙ୍କ ଠାରୁ ଅନୁମତି ନେବାକୁ ପଡୁଛି। ନିର୍ବାଚନରେ ଏଭଳି ସରକାରର ଉତ୍ତର ଦେବେ ରାଜ୍ୟବାସୀ। ଲୋକମାନେ ଏଥର ଭାଜପା ସରକାର ବାଛିବେ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।
