କେସିଙ୍ଗା,୮।୨(ଡି.ଏନ୍.ଏ.): ତ୍ରିସ୍ତରୀୟ ନିର୍ବାଚନ ପ୍ରକ୍ରିୟାକୁ ଶାନ୍ତି ଶୃଙ୍ଖଳାରେ କରିବା ଲାଗି କଳାହାଣ୍ଡି ପୋଲିସ ପକ୍ଷରୁ ଏକ ଅଭିନୟ ଉପାୟ ଅବଲମ୍ବନ କରାଯାଇଛି। ମଙ୍ଗଳବାର ପୋଲିସ ପାଦରେ ଚାଲି ପାଟ୍ରୋଲିଂ କରି ଲୋକଙ୍କୁ ସଚେତନ କରିଛିି। ପଲମ ଫାଣ୍ଡି ଅଧିନସ୍ଥ ତୁଣ୍ଡଳା, ସିରଜାପାଲି, ବାଦୀପଡା, ନର୍ଲା ଥାନା ଅଧୀନରେ ଥିବା ଘଣ୍ଟାମାଲ, ବୁରାଟ, ଲାଞ୍ଜିଗର୍ଡ ଥାନାର କଲୋନି ପଡା, ରାଜାପଡା, ଆଶ୍ରମପଡା, ବନ୍ଧ ପଡ଼ା, ମାର୍କେଟ ପଡା, ବିଶ୍ୱନାଥପୁର ଥାନାର ବିଭିନ୍ନ ଗ୍ରାମକୁ ପାଦରେ ଚାଲି ତ୍ରିସ୍ତରୀୟ ନିର୍ବାଚନରେ ଶାନ୍ତି ଶୃଙ୍ଖଳା ରକ୍ଷା କରିବା ସହିତ କୌଣସି ଗ୍ରାମରେ ଅପ୍ରତିକର ଘଟଣା ନ ଘଟିବ ସେଥିପାଇଁ ସଚେତନ କରାଇଥିଲା। ଏହି ପାଟ୍ରୋଲିଂ ସମୟରେ କେସିଙ୍ଗା ସର୍କଲ ର ଏସ୍ଡିପିଓ ଅଭିନାଭ ଶଙ୍କର,ଆଇଆଇସି ଏସ.କେ .ନନ୍ଦ, ପଲମ ଫାଣ୍ଡି ଅଧିକାରୀ ପ୍ରମୁଖ ଏହି ପାଟ୍ରୋଲିଂରେ ସାମିଲ ହୋଇଥିଲେ।