କେସିଙ୍ଗା,୨୭।୧(ଡି.ଏନ୍.ଏ.): କଳାହାଣ୍ଡି ଜିଲା କେସିଙ୍ଗା ବ୍ଲକର ସୁକୁନାଭଟାକୁ ବୁଧବାର ଜଳସମ୍ପଦ ମନ୍ତ୍ରୀ ରଘୁନନ୍ଦନ ଦାଶ ଓ ନର୍ଲା ବିଧାୟକ ଭୂପିନ୍ଦର ସିଂ ଗସ୍ତରେ ଯାଇଛନ୍ତି। ସେମାନେ ଭବାନୀପାଟଣାରୁ ବାହାରି କେସିଙ୍ଗା ବ୍ଲକର ସୁକୁନାଭଟାରେ ପହଞ୍ଚି ଥିଲେ। ପରେ ସେଠାରୁ ଏକ ଟ୍ରାକ୍ଟର ଯୋଗେ ଯାଇ ତେଲ୍ନଦୀ ପରିଦର୍ଶନ କରିଥିଲେ l ଚାଷୀଙ୍କ ସୁବିଧା ପାଇଁ ଏକ ଉଠାଜଳସେଚନ ନିର୍ମାଣ କରିବା ପାଇଁ ସ୍ଥାନ ନିରୂପଣ କରିଥିଲେ। ସେଠାରୁ ବ୍ଲକର ହାତୀଖୋଜ ଗ୍ରାମସ୍ଥିତ ବୃହତ୍ ଉଠାଜଳସେଚନ ପ୍ରକଳ୍ପର ବିଭିନ୍ନ ଯନ୍ତ୍ରାଂଶ ବୁଲି ଦେଖିଥିଲେ l ଚାଷୀମାନେ ମନ୍ତ୍ରୀ ଓ ବିଧାୟକଙ୍କ ସହିତ ଦୀର୍ଘ ସମୟ ଜଳସେଚନ ବିଷୟରେ ଆଲୋଚନା କରିଥିଲେ। ରାହୁଲ, ଉତେଇ, ସାନ୍ଧୁଲ ଓ ତେଲ୍ନଦୀ ପାର୍ଶ୍ୱରେ ନୂତନ ପ୍ରକଳ୍ପ ନିର୍ମାଣ ପାଇଁ ବିଧାୟକ ପ୍ରସ୍ତାବ ଦେଇଥିଲେ। ପରଲସିଙ୍ଗା ଗ୍ରାମକୁ ଏକ ନୂତନ ପାଇପ୍ ଲାଇନ ସଂଯୋଗ କରିବାକୁ ମଧ୍ୟ ବିଧାୟକ ଦାବି ଜଣାଇଥିଲେ l