ପ୍ୟାରିସ୍,୧୨।୧୦(ଏପି): ଜର୍ମାନୀ ଯୋଡି କେଭିନ୍ କ୍ରଓ୍ବିଜ୍ ଓ ଆଣ୍ଡ୍ରିଆସ୍ ମାଇସ୍ ଏଥର ମଧ୍ୟ ଫ୍ରେଞ୍ଚ୍ ଓପନ ପୁରୁଷ ଡବଲ୍ସ ଟାଇଟଲ ଜିତିଛନ୍ତି। ଶନିବାର ଅନୁଷ୍ଠିତ ପୁରୁଷ ଡବଲ୍ସ ଫାଇନାଲ ମ୍ୟାଚ୍ରେ ଅଷ୍ଟମ ସିଡ୍ ଏହି ଯୋଡି ପ୍ରତିପକ୍ଷ ସପ୍ତମ ସିଡ୍ ଯୋଡି କ୍ରୋଏସିଆର ମେଟ୍ ପାଭିକ୍ ଓ ବ୍ରାଜିଲର ବ୍ରୁନୋ ସୋଆରେସ୍ଙ୍କୁ ୬-୩, ୭-୫ ସେଟ୍ରେ ହରାଇ ଟାଇଟଲ ବଜାୟ ରହିଛନ୍ତି। ବିଜୟୀ ହେବା ପାଇଁ ଏହି ଯୋଡି ୮୯ ମିନିଟ ସମୟ ଆବଶ୍ୟକ କରିଥିଲେ। ଗତବର୍ଷ ଏହି ଯୋଡି ପ୍ରଥମଥର ପାଇଁ ଓପନ୍ ଏରାରେ ପୁରୁଷ ଡବଲ୍ସ ଗ୍ରାଣ୍ଡସ୍ଲାମ ଟାଇଟଲ ହାସଲ କରିଥିଲେ। ରନର୍ସ ହୋଇଥିବା ପାଭିକ୍ ଓ ସୋଆରେସ୍ ୟୁଏସ୍ ଓପନ୍ ଡବଲ୍ସ ଟାଇଟଲ ହାସଲ କରିଥିଲେ ମଧ୍ୟ ଏହି ସଫଳତାକୁ ଦୋହରାଇ ପାରି ନ ଥିଲେ।