ନୂଆଦିଲ୍ଲୀ,୨୪।୯: ରାଜସ୍ଥାନ ରୟାଲ୍ସ ବିପକ୍ଷରେ ଦ୍ୱିତୀୟ ମ୍ୟାଚ୍ ହାରିଯାଇଥିଲା ଚେନ୍ନାଇ ସୁପରକିଙ୍ଗ୍ସ। ଏହାକୁ ନେଇ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ସମାଲୋଚନା କରାଯାଉଛି। ପ୍ରଥମେ ଗୌତମ ଗମ୍ଭୀର ଏବଂ ସେହଓ୍ବାଗଙ୍କ ପରେ ଏବେ କେଭିନ ପିଟରସେନ ମଧ୍ୟ ଧୋନୀଙ୍କୁ କଟାକ୍ଷ କରିଛନ୍ତି।
ପିଟରସେନ କହିଛନ୍ତି, ଧୋନୀଙ୍କୁ ଆଗକୁ ଆସିବାକୁ ହେବ। ନିଜକୁ ଜିତିବାକୁ ସୁଯୋଗ ଦେବାକୁ ପଡ଼ିବ। ଟି-୨୦ର ଫର୍ମାଟ ଅଲଗା। ଏଥିରେ ଆପଣ ପାଞ୍ଚଟି ମ୍ୟାଚ୍ ଲଗାତାର ହାରି ବି ପାରନ୍ତି। ଏହାପରେ ଫାଇନାଲରେ ପହଞ୍ଚି ହେବ କି ନାହିଁ ସେ ନେଇ ଦ୍ୱିଧା ଉପୁଜିପାରେ। ଏଣୁ ଧୋନୀଙ୍କ ନିର୍ବୋଧତାକୁ ମୁଁ ସ୍ବିକାର କରିପାରିବି ନାହିଁ।
ପ୍ରଥମରୁ ନ ଆସି ଶେଷ ଆଡକୁ ଖେଳିବାକୁ ଆସିଥିଲେ ଧୋନୀ। ଏହା ସେ ପ୍ରୟୋଗ ପାଇଁ କରୁଥିବା କହିଥିଲେ। ମାତ୍ର ଗମ୍ଭୀର ଏବଂ ସେହଓ୍ବାଗ ଏହାକୁ ଭୁଲ ବୋଲି କହିଥିଲେ। ତାଙ୍କୁ ନଚେତ ଜାଡେଜାଙ୍କୁ ପ୍ରଥମରୁ ଆସିବାର ଥିଲା ବୋଲି ସେ କହିଥିଲେ। ଫଳରେ ସିଏସ୍କେ ମ୍ୟାଚ୍ ଜିତିପାରିଥାନ୍ତା ବୋଲି ମଧ୍ୟ ସେମାନେ କହିଥିଲେ।
