ଇଂଲଣ୍ଡର ପୂର୍ବତନ କେଭିନ ପିଟରସନ ସୋସିଆଲ ମିଡିଆରେ ବେଶ୍ ସକ୍ରିୟ ରହୁଛନ୍ତି। ଆଗାମୀ ଭାରତ ଏବଂ ଇଂଲଣ୍ଡ ସିରିଜ୍ ଉପରେ ମନ୍ତବ୍ୟ ଦେଇ ସେ କହିଛନ୍ତି ଇଂଲଣ୍ଡ ଖେଳାଳିମାନେ ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ରାହୁଲ ଦ୍ରାଭିଡଙ୍କ ଟିପ୍ସ ମାନିରେ ଭାରତ ବିପକ୍ଷରେ ନିଶ୍ଚିତ ସଫଳତା ପାଇବେ। ଏହାସହ ସେ ରାହୁଲଙ୍କ ଦ୍ୱାରା ପଠାଯାଇଥିବା ଏକ ମେଲ୍ର ସ୍କ୍ରିନ୍ଶର୍ଟ ନିଜ ଟୁଇଟର୍ରେ ଶେୟାର କରି କହିଛନ୍ତି, ଇଂଲଣ୍ଡ ଖେଳାଳିମାନେ ଏହି ମେଲ୍ର ଜେରକ୍ସ କରି କପି ନିଜ ପାଖରେ ରଖନ୍ତୁ। ଯଦି ଆବଶ୍ୟକ ପଡେ ତେବେ ମୋତେ ଫୋନ୍ କରନ୍ତୁ ବୋଲି ପିଟରସନ୍ କହିଛନ୍ତି। ୨୦୧୦ରେ ବାଂଲାଦେଶ ବିପକ୍ଷରେ ପିଟରସନ ଖରାପ ଫର୍ମ ଦେଇ ଗତି କରୁଥିବାବେଳେ ସେ ରାହୂୁଲଙ୍କ ସହ ସମ୍ପର୍କ କରିଥିଲେ। ଦ୍ରାଭିଡ ପିଟରସନଙ୍କୁ ଫ୍ରଣ୍ଟ୍ ପ୍ୟାଡ୍ ବିନା ନିଜ ଦଳର ସ୍ପିନ୍ରଙ୍କ ବିପକ୍ଷରେ ଅଭ୍ୟାସ କରିବାକୁ କହିଥିଲେ। ଏହାପରେ ମୋ ଫୁଟ୍ଓ୍ବାର୍କ ଠିକ୍ ହୋଇଯାଇଥିଲା ବୋଲି ସେ କହିଛନ୍ତି। ସୂଚନାଯୋଗ୍ୟ, ଫେବୃୟାର ୫ରୁ ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ୍ ଆରମ୍ଭ ହେବ।